ന്യൂദല്ഹി: ലോക്സഭ പ്രതിപക്ഷ നേതാവ് രാഹുല് ഗാന്ധിയുമായും എഐസിസി അധ്യക്ഷന് മല്ലികാര്ജുന് ഖര്ഗെയുമായും കൂടിക്കാഴ്ച നടത്തി കെ. സുധാകരന് എം പി.നിയമസഭാ തെരഞ്ഞെടുപ്പില് മത്സരിക്കാന് സീറ്റിനായി സമ്മര്ദ്ദം ചെലുത്തിയെങ്കിലും ലഭിക്കാത്തതില് അസംതൃപ്തി ഉണ്ടായിരുന്ന സുധാകരനെ കോണ്ഗ്രസ് നേതൃത്വം ദല്ഹിയിലേക്ക് വിളിപ്പിക്കുകയായിരുന്നു.
തനിക്ക് മറ്റൊരു പദവി നല്കുമെന്ന് മല്ലികാര്ജുന ഖാര്ഗെ ഉറപ്പ് നല്കിയിട്ടുണ്ടെന്ന് സീറ്റ് ലഭിക്കാതെ കേരളത്തില് മടങ്ങി എത്തിയപ്പോള് സുധാകരന് പറഞ്ഞിരുന്നു.
കേരളത്തിലെ ജനങ്ങള്ക്ക് വേണ്ടി ജീവിതം മുഴുവന് പോരാടിയ നേതാവാണ് സുധാകരന് എന്ന് കൂടിക്കാഴ്ചയ്ക്ക് ശേഷം രാഹുല് ഗാന്ധി കുറിച്ചു. യുഡിഎഫ് ഒറ്റക്കെട്ടെന്നും കേരളത്തില് 100 സീറ്റുകളോടെ കോണ്ഗ്രസ് അധികാരത്തില് വരുമെന്നും അദ്ദേഹം അവകാശപ്പെട്ടു.
അതിനിടെ, എംപിമാര് മത്സരിക്കേണ്ടെന്ന് തീരുമാനിച്ചത് കോണ്ഗ്രസ് പ്രസിഡന്റാണെന്ന് തെരഞ്ഞെടുപ്പ് പ്രചാരണത്തിനിടെ മാധ്യമങ്ങളോട് പ്രതിപക്ഷ നേതാവ് വിഡി സതീശന് ഇന്നും പറഞ്ഞു. എംപിമാര് മത്സരിക്കുന്നതില് തീരുമാനമെടുക്കണമെന്ന് ഹൈക്കമാന്ഡിനോട് ആവശ്യപ്പെട്ടിരുന്നു. എംപിമാരെ മത്സരിച്ചാലുണ്ടാകുന്ന ഉപതിരഞ്ഞെടുപ്പുകളെ പൊതുജനങ്ങള് എങ്ങനെ വിലയിരുത്തുമെന്നത് പ്രധാനമാണ്. മാധ്യമങ്ങള് ശൂന്യതയില് നിന്ന് വാര്ത്തകളുണ്ടാക്കിയെന്നും വി ഡി സതീശന് വിമര്ശിച്ചു.