സംസ്ഥാനത്ത് നാളെ റേഷന്‍ കടകള്‍ തുറന്ന് പ്രവര്‍ത്തിക്കും. ഓണത്തോട് അനുബന്ധിച്ചാണ് അവധി ദിനത്തിലും റേഷന്‍ കട തുറന്ന് പ്രവര്‍ത്തിക്കാന്‍ തീരുമാനമായത്. അതേസമയം തിങ്കളാഴ്ച റേഷന്‍ കട തുറക്കില്ല. ഈ മാസത്തെ റേഷന്‍ വിതരണം നാളെ അവസാനിക്കും.

ഈ മാസത്തെ റേഷന്‍ ഇനിയും വാങ്ങാത്തവര്‍ നാളെ തന്നെ വാങ്ങേണ്ടതാണെന്നും സ്റ്റോക്കെടുപ്പ് പ്രമാണിച്ച് തിങ്കള്‍ റേഷന്‍കടകള്‍ക്ക് അവധി നല്‍കിയിരിക്കുകയാണെന്നും ഭക്ഷ്യ വകുപ്പുമന്ത്രിയുടെ ഓഫീസ് അറിയിച്ചു.

അതേസമയം ചൊവ്വ മുതല്‍(2-09-2025) മുതല്‍ സെപ്റ്റംബര്‍ മാസത്തെ റേഷന്‍ വിതരണം ആരംഭിക്കും. ഒന്നാം ഓണ ദിവസമായ സെപ്റ്റംബര്‍ 4ന് റേഷന്‍കടകള്‍ തുറന്നു പ്രവര്‍ത്തിക്കുന്നതായിരിക്കും.