കൊല്ക്കത്ത: ലിപ്സ്റ്റിക് ഉപയോഗിച്ച് എഴുതിയതായി കരുതപ്പെടുന്ന’ബോംബ് ഭീഷണിസന്ദേശം വിമാനത്തിന്റെ ടോയ്ലറ്റില് കണ്ടെത്തിയതിനെത്തുടര്ന്ന് ഷില്ലോങ്ങിലേക്ക് പോവുകയായിരുന്ന ഇന്ഡിഗോ വിമാനം വിമാനത്താവളത്തില് ഇറക്കി പരിശോധന നടത്തി. മണിക്കൂറുകള്ക്ക് ശേഷം, ഭീഷണി വ്യാജമാണെന്ന് തെളിഞ്ഞതോടെ വിമാനം യാത്ര തുടര്ന്നു ശനിയാഴ്ച വൈകീട്ട് ദിബ്രുഗഡ്-കൊല്ക്കത്ത വിമാനത്തിലാണ് സംഭവം.
ഭീഷണിസന്ദേശം കണ്ടെത്തിയതിനെത്തുടര്ന്ന് വിമാനം നേതാജി സുഭാഷ് ചന്ദ്രബോസ് അന്താരാഷ്ട്ര വിമാനത്താവളത്തില് സുരക്ഷിതമായി ഇറക്കി. എല്ലാ യാത്രക്കാരെയും ഇറക്കിയശേഷം സുരക്ഷാ പ്രോട്ടോക്കോള് അനുസരിച്ച് ഐസൊലേഷന് ബേയിലേക്ക് മാറ്റി പരിശോധന നടത്തുകയായിരുന്നു. സംഭവത്തെത്തുടര്ന്ന് വിമാനം നാല് മണിക്കൂര് വൈകി.