മേടക്കൂറ്: അശ്വതി, ഭരണി, കാര്‍ത്തിക (1/4)
സംഘടനാതലത്തില്‍ പ്രവര്‍ത്തിക്കുന്നവര്‍ക്ക് അനുകൂലമായ സമയമാണ്. ശത്രുക്കളുടെ ഗൂഢശ്രമങ്ങളെ കരുതേണ്ടതാണ്. സിനിമ, നാടകം പ്രവര്‍ത്തകര്‍ക്ക് അനുകൂലസമയമാണ്. ദൂരയാത്രകള്‍ക്ക് ഉദ്ദേശിച്ച ഫലങ്ങള്‍ ലഭിക്കും. വഞ്ചിക്കപ്പെടാതിരിക്കാന്‍ പ്രത്യേകം ശ്രദ്ധിക്കണം. ഉദ്യോഗത്തില്‍ പ്രമോഷന്‍ ലഭിക്കും.

ഇടവക്കൂറ്: കാര്‍ത്തിക (3/4), രോഹിണി, മകയിരം (1/2)
ജോലിയില്‍ പ്രമോഷന്‍ വന്നുചേരും. ആഗ്രഹങ്ങള്‍ പലതും സാധിക്കും. കോടതിവിധികള്‍ അനുകൂലമായിത്തീരും. അനാവശ്യകാര്യങ്ങള്‍ ചിന്തിച്ച് മനസ്സ് അസ്വസ്ഥമാകും. പൂര്‍വിക സ്വത്ത് അധീനതയില്‍ വരും. സഹോദരങ്ങളുമായി അഭിപ്രായഭിന്നത വന്നുചേരും. ചെലവുകള്‍ വളരെയധികം നിയന്ത്രിക്കണം.

മിഥുനക്കൂറ്: മകയിരം (1/2), തിരുവാതിര, പുണര്‍തം (3/4)
പദവിയും അന്തസ്സും ഉയരും. പലതരം സുഖഭോഗ വസ്തുക്കള്‍ കൈവശം വന്നുചേരും. നല്ല വ്യക്തികളുമായി സൗഹൃദം പുലര്‍ത്തും. തൊഴില്‍ രംഗം അഭിവൃദ്ധിപ്പെടും. മനസ്സിനെ ശല്യപ്പെടുത്തുന്ന ലോണുകള്‍ തിരിച്ചടയ്‌ക്കാന്‍ നോക്കും. കുടുംബത്തിലെ വാക്കുതര്‍ക്കം തീര്‍ക്കാന്‍ ശ്രമിക്കുന്നതാണ്.

കര്‍ക്കടകക്കൂറ്: പുണര്‍തം (1/4), പൂയം, ആയില്യം
ദൂരെയാത്രകള്‍ ആവശ്യമായി വരികയും സ്വജനങ്ങളില്‍ നിന്ന് അകന്നു കഴിയേണ്ടതായി വരികയും ചെയ്യും. ആത്മീയ കാര്യങ്ങളില്‍ താല്‍പര്യം വര്‍ധിക്കും. മകന്റെ വിവാഹ കാര്യത്തില്‍ തീരുമാനം എടുക്കും. ഷെയര്‍ ബിസിനസ്സിലും വസ്തു സംബന്ധമായ ബിസിനസ്സിലും അനുകൂല ഫലം പ്രതീക്ഷിക്കാം.

ചിങ്ങക്കൂറ്: മകം, പൂരം, ഉത്രം (1/4)
വിദേശത്തുനിന്ന് നാട്ടിലേക്ക് മടങ്ങാനുദ്ദേശിക്കുന്നവര്‍ക്ക് ചില്ലറ തടസ്സങ്ങള്‍ നേരിടേണ്ടി വരും. പൂര്‍വികമായ ചില സ്മാരക വസ്തുക്കള്‍ കൈവശം വന്നുചേരും. സമൂഹത്തില്‍ മറ്റുള്ളവരുടെ അഭിനന്ദനത്തിന് പാത്രമാവും. പുതിയ ബിസിനസ്സില്‍ പണം മുടക്കും.

കന്നിക്കൂറ്: ഉത്രം (3/4), അത്തം, ചിത്തിര (1/2)
സന്താന സുഖം അനുഭവപ്പെടും. തീര്‍ത്ഥയാത്രകള്‍ക്ക് അവസരം ലഭിക്കും. സ്വന്തം പരിമിതികളെ അറിഞ്ഞു പ്രവര്‍ത്തിക്കുന്നതിനാല്‍, കാര്യതടസ്സങ്ങളോ പരാജയമോ നിരാശപ്പെടുത്തുകയില്ല. വിവാഹ കാര്യങ്ങള്‍ക്കു കാലതാമസമുണ്ടാകും.

തുലാക്കൂറ്: ചിത്തിര (1/2), ചോതി, വിശാഖം (3/4)
വിദേശത്തുനിന്ന് ധനാഗമം ഉണ്ടാകും. വിവാഹാദി മംഗള കര്‍മങ്ങള്‍ നടക്കും. കുടുംബനാഥന്റെ ഇഷ്ടത്തിനനുസരിച്ച് മുന്നോട്ടു പോകേണ്ടിവരും. സാവകാശത്തിലാണെങ്കിലും കുടുംബ ഭരണത്തില്‍ നായകത്വം കൈവരും. പുതിയ കരാറുകള്‍ ഏറ്റെടുക്കും. മനസ്സിന് ക്ലേശമുണ്ടാകുന്ന വാര്‍ത്തകള്‍ കേള്‍ക്കാനിടവരും.

വൃശ്ചികക്കൂറ്: വിശാഖം (1/4), അനിഴം, തൃക്കേട്ട
വിദ്യാര്‍ത്ഥികള്‍ മെച്ചപ്പെട്ട വിജയം കൈവരിക്കും. കൂട്ടുകുടുംബത്തില്‍ ഭിന്നതയുണ്ടാകും. അച്ഛന്റെ ആരോഗ്യനില തൃപ്തികരമായിരിക്കും. തന്റെ അധീനതയിലുള്ള വിലപ്പെട്ട രേഖകള്‍ മറ്റുള്ളവര്‍ തട്ടിയെടുത്തേക്കാം. സമീപത്ത് താമസിക്കുന്നവരില്‍നിന്ന് പ്രതികൂല പ്രതികരണമുണ്ടാകും. ഉന്നതരായ വ്യക്തികളില്‍നിന്ന് സഹായമുണ്ടാകും.

ധനുക്കൂറ്: മൂലം, പൂരാടം, ഉത്രാടം (1/4)
സാമ്പത്തിക കാര്യങ്ങളില്‍ അപ്രതീക്ഷിതമായ വ്യതിയാനങ്ങളുണ്ടാകും. വിദ്യാഭിവൃദ്ധിയും പരീക്ഷകളില്‍ പ്രശസ്ത വിജയവും കൈവരിക്കും. വസ്തുവകകള്‍ ലഭിക്കും. ഏറ്റെടുക്കുന്ന കാര്യങ്ങള്‍ വിജയകരമായി ചെയ്തുതീര്‍ക്കുവാന്‍ കഴിയും.

മകരക്കൂറ്: ഉത്രാടം (3/4), തിരുവോണം, അവിട്ടം (1/2)
ഔദ്യോഗികമായ സ്ഥാനക്കയറ്റവും സ്ഥലമാറ്റവും ഉണ്ടാകാനിടയുണ്ട്. കാര്യതടസ്സം നീങ്ങുകയും പ്രവര്‍ത്തന വിജയം ഏറെക്കുറെ കൈവരിക്കുകയും ചെയ്യും. സാമ്പത്തികമായി അനുകൂലമായ കാലമല്ല. സന്താനസൗഖ്യം അനു
ഭവപ്പെടും. ഗൃഹനിര്‍മാണ കാര്യങ്ങള്‍ക്ക് താല്‍ക്കാലികമായ തടസ്സം അനുഭവപ്പെടും.

കുംഭക്കൂറ്: അവിട്ടം (1/2), ചതയം, പൂരുരുട്ടാതി (3/4)
മത്സരപരീക്ഷകളില്‍ ഉന്നതവിജയം കൈവരിക്കും. വരുമാനത്തേക്കാള്‍ ചെലവ് അനുഭവപ്പെടുന്നതാണ്. പുണ്യക്ഷേത്രങ്ങള്‍ സന്ദര്‍ശിക്കാനവസരമുണ്ടാകും. വിദേശയാത്രയ്‌ക്ക് ശ്രമിക്കുന്നവര്‍ക്ക് ആഗ്രഹം സാധിക്കും. വിദേശത്തുനിന്ന് ധനാഗമം ഉണ്ടാകും. ആത്മീയ കാര്യങ്ങളില്‍ കൂടുതല്‍ ശ്രദ്ധ പതിപ്പിക്കും.

മീനക്കൂറ്: പൂരുരുട്ടാതി (1/4), ഉതൃട്ടാതി, രേവതി
മാധ്യസ്ഥ്യം മുഖേന തര്‍ക്കങ്ങള്‍ പരിഹരിക്കപ്പെടും. അനാദരവുണ്ടാകുന്ന പരിതസ്ഥിതികളെ അതിജീവിക്കാന്‍ കഴിയും. വ്യാപാരത്തില്‍ ചില പരിഷ്‌കാരങ്ങള്‍ വരുത്തുകയും ഒന്നിലധികം ജോലികള്‍ ഒരേ സമയത്ത് ചെയ്യും. ആഭരണവും പണവും കൈമോശം വരാന്‍ സാധ്യതയുണ്ട്.