പാലക്കാട് : വാളയാര് അട്ടപ്പള്ളത്ത് അതിഥിതൊഴിലാളി രാം നാരായണ് ഭാഗേല് ആള്ക്കൂട്ട മര്ദ്ദനത്തില് കൊല്ലപ്പെട്ട കേസില് എട്ട് പ്രതികള്ക്കും ജാമ്യം. മണ്ണാര്ക്കാട് എസ്സി-എസ്ടി സ്പെഷ്യല് കോടതിയാണ് ഉപാധികളോടെ ജാമ്യം നല്കിയത്.
കേസില് ആകെ ഒമ്പത് പേരാണ് അറസ്റ്റിലായിരുന്നത്.കേസില് 20 പ്രതികളുണ്ടെന്നാണ് ക്രൈം ബ്രാഞ്ച് പ്രത്യേക അന്വേഷണ സംഘത്തിന്റെ അന്വേഷണത്തില് കണ്ടെത്തിയത്. ഇനിയും പ്രതികളെ പിടികൂടാനുണ്ടായിരിക്കെയാണ് ആദ്യം പിടിയിലായ എട്ട് പേര്ക്കും ജാമ്യം കിട്ടിയത്.അയല് സംസ്ഥാനത്തേക്ക് ഉള്പ്പെടെകടന്നുകളഞ്ഞ മറ്റു പ്രതികളെ പിടികൂടാന് ലുക്ക്ഔട്ട് നോട്ടീസ് ഉള്പ്പെടെ പുറപ്പെടുവിച്ച് കേസ് അന്വേഷണം പൊലീസ് ഊര്ജിതമാക്കിയിട്ടുണ്ട്.
ഡിസംബര് 17ന് വൈകിട്ടാണ് ഈസ്റ്റ് അട്ടപ്പള്ളത്തു വച്ച് ഛത്തീസ്ഗഡ് സ്വദേശി രാംനാരായണ് ഭാഗേല് ആള്ക്കൂട്ട മര്ദ്ദനത്തില് കൊല്ലപ്പെട്ടത്. ബംഗ്ലാദേശിയാണെന്ന് ആരോപിച്ചായിരുന്നു യുവാവിനെ നാട്ടുകാര് മര്ദിച്ച് കൊന്നത്.