വിവാഹേതര ബന്ധങ്ങൾ ആരോപിച്ച് വിവാഹമോചന വിവാദത്തിൽ കുടുങ്ങിയ തമിഴഗ വെട്രി കഴകം മേധാവി വിജയും നടി തൃഷയും വിവാഹ ചടങ്ങിൽ ഒരുമിച്ച് പങ്കെടുത്തു. വിജയുടെ ഭാര്യ സംഗീത സ്വർണലിംഗം ചെങ്കൽപ്പെട്ട് കോടതിയിൽ വിവാഹമോചനത്തിന് അപേക്ഷ നൽകിയതിന് ശേഷം ഇതാദ്യമായാണ് തൃഷയും,വിജയും ഒരു വേദിയിൽ ഒരുമിച്ച് എത്തുന്നത് .

കൽപ്പാത്തി സുരേഷിന്റെയും മീനാക്ഷിയുടെയും മകന്റെ വിവാഹ സൽക്കാരത്തിൽ പങ്കെടുക്കാനാണ് ഇവർ ഒരുമിച്ച് എത്തിയത് . ഇരുവരും ഒരേ കാറിലാണ് എത്തിയത്. സംഗീത വിവാഹമോചനത്തിന് അപേക്ഷ നൽകുകയും വിജയ് ഒരു നടിയുമായി ബന്ധമുണ്ടെന്ന് ആരോപിക്കുകയും ചെയ്തതിനെത്തുടർന്ന് തൃഷയ്‌ക്ക് വൻ സൈബർ ആക്രമണം നേരിടേണ്ടി വന്നിരുന്നു. ഇരുവരും പലപ്പോഴും ഒരുമിച്ച് വിദേശയാത്രകൾ നടത്തിയിരുന്നതായും സോഷ്യൽ മീഡിയയിൽ ഒരുമിച്ചുള്ള ഫോട്ടോകൾ പോസ്റ്റ് ചെയ്തിരുന്നതായും അഭ്യൂഹങ്ങൾ ഉണ്ടായിരുന്നു .