എറണാകുളം:വീട്ടമ്മയെ വീട്ടില്‍ കയറി ആക്രമിച്ചെന്ന് പരാതി. മരട് കണ്ണാടിക്കാട് പരവര വീട്ടില്‍ ലില്ലിയുടെ വീട്ടിലാണ് ആക്രമണം ഉണ്ടായത്.
തമിഴ്‌നാട് ദിണ്ടിക്കലില്‍ നിന്നുള്ള ആറംഗ സംഘമാണ് ആക്രമണം നടത്തിയത്.ലില്ലിയുടെ മൂത്ത മകന്‍ ജോലി ചെയ്യുന്ന ഫിലിം കമ്പനിയുമായി ബന്ധപ്പെട്ട സാമ്പത്തിക തര്‍ക്കമാണ് ആക്രമണത്തിന് പിന്നിലെന്ന് പൊലീസ് പറയുന്നു.
ഞായറാഴ്ച ഉച്ചയ്‌ക്ക 1.30ഓടെയാണ് ആക്രമണം നടന്നത്. ആറംഗ സംഘം വാതില്‍ തള്ളി തുറന്ന് വീടിന്റെ ഷോക്കേസ് ചില്ല് തകര്‍ത്തു. ലില്ലിയെ തള്ളിയിടുകയും ചെയ്തു. ആക്രമണം നടത്തിയ സംഘത്തെ മരട് പൊലീസ് പിടികൂടി.