വാഷിംഗ്ടണ്‍: അമേരിക്കന്‍ വൈസ് പ്രസിഡന്‍റ് ജെ.ഡി. വാന്‍സിന്റെ ഭാര്യ ഉഷ വാന്‍സിന് ഇപ്പോഴും ഇന്ത്യാ സന്ദര്‍ശനം അവിസ്മരണീയമാണ്. ഒരു മാസം മുന്‍പ് ഇന്ത്യയില്‍ നടത്തിയ സന്ദര്‍ശനം ഇന്നും ഇന്ത്യക്കാരി കൂടിയായ ഉഷ വാന്‍സിനും മക്കള്‍ക്കും മറക്കാനാവാത്ത അനുഭവമാണ്. ഇന്ത്യ ഇതുവരെ സന്ദര്‍ശിച്ചില്ലായിരുന്നെങ്കിലും മക്കളുടെ മനസ്സില്‍ കഥകളായും ബന്ധങ്ങളായും വളരെ സജീവമായ ഓര്‍മ്മയാണ് ഇന്ത്യ.
അമേരിക്കന്‍ വൈസ് പ്രസിഡന്‍റുകൂടിയായ ഭര്‍ത്താവ് ജെഡി വാന്‍സിനും മക്കളും ഒത്ത് തന്റെ ജന്മനാടായ ഇന്ത്യ സന്ദര്‍ശിച്ചതിന്റെ അനുഭവം അമേരിക്കയിലെ ഒരു ടിവി ചാനലുമായി പങ്കുവെയ്‌ക്കുകയായിരുന്നു ഉഷ വാന്‍സ്. ആ യാത്രയില്‍ തന്റെ കുട്ടികള്‍ക്ക് ഏറ്റവും ആകര്‍ഷകമായ അനുഭവം വെള്ളത്താടിയും വെള്ളത്തലമുടിയും ഉള്ള മോദിയെയാണെന്നും ഉഷ വാന്‍സ് പറഞ്ഞു.മോദിയുമായി കുട്ടികള്‍ വളരെ വ്യക്തിപരമായ ബന്ധം സ്ഥാപിച്ചുവെന്നും ഉഷ വാന്‍സ് പറയുന്നു.
അദ്ദേഹത്തെ കണ്ടയുടന്‍ തന്നെ തന്റെ മക്കള്‍ അദ്ദേഹത്തെ സ്വന്തം അപ്പൂപ്പനാണെന്ന നിലയ്‌ക്ക് കണക്കാക്കിയിരുന്നു. അദ്ദേഹത്തെ മക്കള്‍ കെട്ടിപ്പുണര്‍ന്നുവെന്നും ഉഷ വാന്‍സ് പറയുന്നു. നേരത്തെ ആദ്യ സമാഗമത്തില്‍ തന്നെ മോദി തന്റെ അഞ്ച് വയസ്സായ മകന് ജന്മദിനസമ്മാനം നല്‍കിയിരുന്നു. ഇന്ത്യയില്‍ എത്തിയപ്പോള്‍ തന്റെ മക്കള്‍ അദ്ദേഹത്തിന്റെ വീട്ടിലേക്ക് സ്നേഹത്തോടെയാണ് ഓടിക്കയറിയത്. അദ്ദേഹത്തെ കെട്ടിപ്പുണര്‍ന്നു. അതില്‍ അദ്ദേഹത്തിന്റെ ഉദാരമനസ്കതയും ദയാവായ്പും പ്രകടമായിരുന്നു. – ഉഷ വാന്‍സ് പറയുന്നു.