ജപ്പാൻ: വേൾഡ് മലയാളി ഫെഡറേഷൻ, നിഹോൻ കൈരളി സങ്കടനകളുടെയും പ്രത്യേക ഷണപ്രകാരം ജപ്പാനിൽ സന്ദർശനത്തിനെത്തിയ പാണക്കാട് സയ്യിദ് സാദിക്കലി ശിഹാബ് തങ്ങളെ ടോക്കിയോയിലെ ഹനിഡ എയർപോർട്ടിൽ ഇന്ത്യൻ എംബസി ഉദ്യോഗസ്ഥരും വിവിധ മലയാളി സംഘടനാ നേതാക്കളും ചേർന്ന് സ്വീകരിച്ചു.

അഡ്വ. ഹാരിസ് ബീരാൻ എം.പി., ഷഫീഖ് വി.പി., ഷിഹാസ് സുൽത്താൻ എന്നിവർ അനുഗമിച്ചു. ജപ്പാനിലെ ഇന്ത്യൻ എംബസി കോൺസുൽ അറ്റാഷെ അഭിജിത്ത് റോയ്, വേൾഡ് മലയാളി ഫെഡറേഷൻ, നിഹോൻ കൈരളി തുടങ്ങിയ സംഘടനകളുടെ നേതാക്കളായ അനിൽ രാജ്, ശക്തി കുമാർ, സഹസിൽ തുടങ്ങിയവർ സംബന്ധിച്ചു.

ജപ്പാൻ കെ.എം.സി.സി.യുടെ ഔദ്യോഗിക ഉദ്ഘാടനം നാളെ വൈകീട്ട് (ഒക്ടോബർ 3 ന്) ഗുന്മ ഇസീസാക്കി കൾച്ചറൽ സെന്ററിൽ വെച്ച് സാദിക്കലി ശിഹാബ് തങ്ങൾ നിർവ്വഹിക്കും. സന്ദര്‍ശനത്തിന്റെ ഭാഗമായി വിവിധ മലയാളി സംഘടനകളുടെ നേതൃത്വത്തിൽ കമ്മ്യൂണിറ്റി മീറ്റും സംഘടിപ്പിച്ചിട്ടുണ്ട്.