സിനിമാതാരങ്ങളുടെ ജീവിതം തിളക്കമേറിയതാണെന്നാണ് പ്രേക്ഷകരിലേറെയും വിശ്വസിക്കുന്നത് . പക്ഷേ, അതിന്റെ പിന്നിലെ ഇരുണ്ട സത്യം പലർക്കും അറിയില്ല. മുമ്പ്, നടിമാർ ഇതിനെക്കുറിച്ച് അധികം സംസാരിച്ചിരുന്നില്ല, എന്നാൽ ഇപ്പോൾ അവർ അവരുടെ അനുഭവങ്ങളെക്കുറിച്ചും സിനിമാ വ്യവസായത്തിൽ യഥാർത്ഥത്തിൽ എന്താണ് സംഭവിക്കുന്നതെന്നതിനെക്കുറിച്ചും തുറന്ന് സംസാരിക്കുന്നുണ്ട് .
ഇപ്പോഴിതാ, പ്രശസ്ത നടി തനുശ്രീ ദത്തയാണ് സിനിമാ ഇൻഡസ്ട്രിയെക്കുറിച്ചുള്ള സ്ഫോടനാത്മകമായ വിവരങ്ങൾ വെളിപ്പെടുത്തിയിരിക്കുന്നത് . തന്റെ പുതിയ അഭിമുഖത്തിൽ, ഗ്ലാമറസ് ലോകത്തേക്ക് പ്രവേശിക്കുന്ന യുവതീയുവാക്കളോട് ആരെയും അന്ധമായി വിശ്വസിക്കരുതെന്നും അവർ പറയുന്നു . സിനിമയിൽ ചൂഷണം എത്രത്തോളം വ്യാപകമാണെന്നും അവർ തുറന്ന് പറയുന്നുണ്ട്.
“സിനിമാ മേഖലയിൽ സുന്ദരമായ മുഖത്തിന് ഒരു വിലയുണ്ട്. അവർക്ക് കഴിവുണ്ടോ ഇല്ലയോ എന്നത് പരിഗണിക്കില്ല .. ആരും അതിനെക്കുറിച്ച് ചിന്തിക്കാറില്ല.. ഈ ഇൻഡസ്ട്രിയിൽ വരുന്ന ആദ്യകാലത്ത് എല്ലാവരും അവരെ പ്രശംസിക്കാറുണ്ട്.. എന്റെ കുട്ടിക്കാലത്ത്, അപരിചിതരോട് സംസാരിക്കരുതെന്നും, അപരിചിതരിൽ നിന്ന് ചോക്ലേറ്റ് സ്വീകരിക്കരുതെന്നും എന്റെ അമ്മ എന്നോട് പറയുമായിരുന്നു.. പക്ഷേ ഇൻഡസ്ട്രിയിൽ പലതരം ചോക്ലേറ്റുകൾ ഉണ്ട്.. ആഗ്രഹങ്ങൾ നിറവേറ്റാൻ ആളുകൾ നിങ്ങളെ ഉപയോഗിക്കുന്നു.. സിനിമയിൽ വിജയിക്കാനായില്ലെങ്കിൽ ചിലർ വേദനയോടെ വീട്ടിലേക്ക് മടങ്ങുന്നു.. കുടുംബ ഉത്തരവാദിത്തങ്ങൾക്കായി ചിലർ വേശ്യാവൃത്തിക്ക് നിർബന്ധിതരാകുന്നു.. ഈ രഹസ്യങ്ങൾ ഒരിക്കലും പുറത്തുവരില്ല. കാരണം വിജയഗാഥകൾ മാത്രമേ പുറത്തുവരൂ..” തനുശ്രീ ദത്ത പറയുന്നു.
“നിന്നെ മുതലെടുക്കാൻ ആഗ്രഹിക്കുന്നവർ നീ സുന്ദരനാണെന്നും സുന്ദരിയാണെന്നും പറയും, ഇതെല്ലാം പറഞ്ഞുകൊണ്ട് അവർ നിന്നെ പുകഴ്ത്തും. നിനക്ക് കഴിവുണ്ടോ ഇല്ലയോ എന്ന് അവർക്കറിയില്ല. നാല് പേർ നിങ്ങളെ പുകഴ്ത്തും, പിന്നെ നാല് പേർ നിങ്ങളെ വശീകരിക്കാൻ ശ്രമിക്കും. ആദ്യം അവർ നിങ്ങളെ പ്രകോപിപ്പിക്കാൻ ശ്രമിക്കുന്നു, തുടർന്ന് അവർ നിങ്ങളോട് ഈ വ്യക്തിയെ, ആ വ്യക്തിയെ, കാണാൻ പറയുന്നു. നിങ്ങൾ വളരെ ക്ഷമയോടെയിരിക്കണം.”“ എന്നും തനുശ്രീ പറയുന്നു.
“ഇന്ന് ഞാൻ സംസാരിക്കുന്നത് എനിക്ക് ഒരു വേദി ഉള്ളതിനാലാണ് , നാല് ജീവൻ രക്ഷിക്കാൻ കഴിയുമെങ്കിൽ പോലും, അത് എനിക്ക് മതിയാകും. എത്രയോ ആൺകുട്ടികളും പെൺകുട്ടികളും ഇവിടെ വരുന്നു. അവരെ ഉപയോഗിക്കുകയും ദുരുപയോഗം ചെയ്യുകയും പിന്നീട് അവരെ അക്ഷരാർത്ഥത്തിൽ വലിച്ചെറിയുകയും ചെയ്യുന്നു, ചിലർ വേശ്യാവൃത്തിയിലേക്ക് തിരിയുന്നത്, അവർ വളരെ ദുരുപയോഗം ചെയ്യപ്പെട്ടതുകൊണ്ടും ആളുകൾ അവരെ അതിലേക്ക് നിർബന്ധിക്കുന്നതിനാലുമാണ്. “ തനുശ്രീ പറഞ്ഞു.