തിരുവനന്തപുരം: മദ്രാസ് റെജിമെന്റിന്റെ നിയന്ത്രണത്തിലുള്ള പഴവങ്ങാടി ശ്രീമഹാഗണപതി ക്ഷേത്രത്തിന്റെ ഭരണസമിതിയായ തിരുവാതിര കമ്മിറ്റി ദേശീയ സേവാഭാരതി കേരളവുമായി ചേര്ന്ന് സൗജന്യ ഡയാലിസിസ് കേന്ദ്രം ആരംഭിക്കുന്നു.
സാമ്പത്തികമായി പിന്നാക്കം നില്ക്കുന്നവരില് വൃക്കരോഗികളുടെ എണ്ണം വര്ധിച്ചുവരുന്ന സാഹചര്യത്തിലാണ് കേന്ദ്രം തുടങ്ങുന്നത്.
ശ്രീമഹാഗണപതി സേവാഭാരതി കേന്ദ്രം പ്രവര്ത്തിച്ചുവരുന്ന ക്ഷേത്രത്തിന്റെ ഉടമസ്ഥതയില് ഫോര്ട്ടില് സ്ഥിതി ചെയ്യുന്ന പ്രണവം ബില്ഡിംഗിന്റെ താഴത്തെ നിലയിലാണ് ‘പഴവങ്ങാടി ശ്രീമഹാഗണപതി ഡയാലിസിസ് സെന്റര്’ എന്ന പേരില് സൗജന്യ ഡയാലിസിസ് കേന്ദ്രം ആരംഭിക്കുന്നത്. കേന്ദ്രത്തിന്റെ ഉദ്ഘാടനം മാര്ച്ച് 13ന് രാവിലെ 9ന് ലെഫ്റ്റനന്റ് ജനറല് മഞ്ജീന്ദര് സിംഗ് നിര്വഹിക്കും. മേയര് അഡ്വ. വി.വി. രാജേഷ് ചടങ്ങില് മുഖ്യാതിഥിയായിരിക്കും. ദേശീയ സേവാഭാരതി കേരളത്തിന് ആയിരിക്കും കേന്ദ്രത്തിന്റെ പൂര്ണമായ നടത്തിപ്പ് ചുമതല. ക്ഷേത്ര ഉപദേശക സമിതി ചെയര്മാന്, മേജര് എസ്. വിജയകുമാര്, ക്ഷേത്ര ഉപദേശക സമിതി അംഗം റിട്ട. ലെഫ്റ്റനന്റ് കേണല് ജെ. രാമചന്ദ്രന്, ദേശീയ സേവാഭാരതി കേരളം പ്രസിഡന്റ് ഡോ. രഞ്ജിത്ത് വിജയഹരി, കേരളം വൈസ് പ്രസിഡന്റ് ഡി. വിജയന്, ജില്ലാ പ്രസിഡന്റ് ബി. മനു എന്നിവര് വാര്ത്താസമ്മേളനത്തില് പങ്കെടുത്തു.