ന്യൂദല്‍ഹി: സോണിയാഗാന്ധി ലണ്ടനിലേക്ക് താമസം മാറ്റിയേക്കുമെന്ന സൂചനയുമായി ദല്‍ ഹിയിലെ രാഷ്‌ട്രീയനിരീക്ഷകര്‍. ഈയിടെ വില്‍പത്രം എഴുതിവെയ്‌ക്കാനായി ചാര്‍ട്ടേഡ് അക്കൗണ്ടന്‍റുകളുമായും അഭിഭാഷകരുമായും ചര്‍ച്ച ചെയ്തുവരികയാണെന്ന് പറയുന്നു. മിക്കവാറും രാഹുല്‍ ഗാന്ധിയ്‌ക്കായിരിക്കും ഈ സ്വത്തെല്ലാം എഴുതിവെയ്‌ക്കുക. ഇത് പതിനായിരക്കണക്കിന് കോടികള്‍ വരും.

അഖിലേന്ത്യാ കോണ്‍ഗ്രസ് ഭവന്‍, കര്‍ണ്ണാടക കോണ്‍ഗ്രസ് ഭവന്‍, തമിഴ്നാട് സത്യമൂര്‍ത്തി ഭവന്‍ തുടങ്ങി ഇന്ത്യയിലെ വിവിധ കോണ്‍ഗ്രസ് ഭവനുകളുടെ മാത്രം മൂല്യം പതിനായിരക്കണക്കിന് കോികള്‍ വരും. ഇവിടെയെല്ലാം പഞ്ചനക്ഷത്ര, സപ്തനക്ഷത്ര ഹോട്ടലുകള്‍ പണിയണം എന്നതാണ് രാഹുല്‍ ഗാന്ധിയുടെ മോഹമെന്ന് പറയുന്നു. എന്തായാലും ഇതെല്ലാം രാഹുല്‍ ഗാന്ധിയുടെ പേരിലായിരിക്കും എഴുതിവെയ്‌ക്കുക.

ഇപ്പോള്‍ 18ഓളം ട്രസ്റ്റുകളുടെ അധ്യക്ഷയാണ് ഇപ്പോള്‍ സോണിയാഗാന്ധി. ഈ ട്രസ്റ്റുകളുടെ വില്‍പത്രം നെഹ്രുവില്‍ നിന്നും നേരിട്ട് സോണിയയ്‌ക്കാണ് ലഭിച്ചിരിക്കുന്നത്. കാരണം ഇന്ദിരാഗാന്ധി വെടിയേറ്റ് മരിച്ചു. രാജീവ് ഗാന്ധിയും തമിഴ്നാട്ടില്‍ കൊല്ലപ്പെട്ടു. ഇനി സോണിയാഗാന്ധി ഈ വില്‍പത്രം 2026 മാര്‍ച്ചോടെ രാഹുല്‍ ഗാന്ധിയുടെ പേരില്‍ എഴുതിവെയ്‌ക്കുമെന്ന് പറയപ്പെടുന്നു. രാജീവ് ഫൗണ്ടേഷന്‍, സ‍ഞ്ജീവ് ഗാന്ധി മെമ്മോറിയല്‍ ഉള്‍പ്പെടെ 18 ട്രസ്റ്റുകള്‍ ഉണ്ട്. ഇവയ്‌ക്കെല്ലാം ഭാരിച്ച സ്വത്തുക്കളും ഉണ്ട്. ഇതും രാഹുല്‍ ഗാന്ധിയുടെ പേരില്‍ എഴുതിവെയ്‌ക്കാനാണ് സാധ്യത. ഇതെല്ലാം കഴിഞ്ഞ് അവര്‍ ലണ്ടനില്‍ വിശ്രമജീവിതം നയിച്ചേക്കുമെന്ന് കരുതുന്നു. കാരണം സോണിയയ്‌ക്ക് ഇപ്പോള്‍ 79 വയസ്സായി. ഇനി മാനസികമായി സ്വസ്ഥജീവിതം നയിക്കാനാണ് അവര്‍ പദ്ധതിയിടുന്നത്.

അതിനിടയ്‌ക്ക് രാഹുല്‍ ഗാന്ധിയെ ബംഗാള്‍, തമിഴ്നാട് തെരഞ്ഞെടുപ്പ് ഫലം വരുന്ന മുറയ്‌ക്ക് നാഷണല്‍ ഹെറാള്‍ഡ് കേസില്‍ അറസ്റ്റ് ചെയ്തേക്കുമെന്നും റിപ്പോര്‍ട്ടുകളുണ്ട്. കാരണം ഒരിയ്‌ക്കലും രക്ഷപ്പെടാന്‍ കഴിയാത്ത ക്രിമിനല്‍ കുറ്റമാണ് നാഷണല്‍ ഹെറാള്‍ഡ് കേസില്‍ ഉണ്ടായിരിക്കുന്നത്. ഏകദേശം 2000 കോടി രൂപയുടെ തട്ടിപ്പാണ് നടന്നത്. സുപ്രീംകോടതി ഉള്‍പ്പെടെ എല്ലാം കോടതികളും ഈ കേസില്‍ രാഹുല്‍ ഗാന്ധിയും സോണിയാഗാന്ധിയും കുറ്റക്കാരാണെന്ന് കണ്ടെത്തിക്കഴിഞ്ഞു. ഇപ്പോള്‍ ഈ കേസില്‍ ക്രിമിനല്‍ നടപടികളും ആരംഭിച്ചിരിക്കുകയാണ്.