തിരുവനന്തപുരം: സംസ്ഥാന കായിക യുവജനകാര്യാലയത്തിന്റെയും, കേരള സ്റ്റേറ്റ് സ്പോര്‍ട്സ് കൗണ്‍സിലിന്റെയും കീഴില്‍ വിവിധ ജില്ലകളിലായി പ്രവര്‍ത്തിച്ചു വരുന്ന സ്പോര്‍ട്സ് സ്‌കൂളുകള്‍, ജില്ലാ സ്പോര്‍ട്സ് അക്കാദമികള്‍, സ്‌കൂള്‍ സ്പോര്‍ട്സ് അക്കാദമികള്‍ എന്നിവിടങ്ങളിലേക്ക് 2026-27 അധ്യയന വര്‍ഷത്തെ അഡ്മിഷനുളള പ്രാഥമിക സെലക്ഷന്‍ ഫെബ്രുവരി 1 മുതല്‍ 8 വരെ വിവിധ ജില്ലകളിലെ തെരഞ്ഞെടുത്ത സെന്ററുകളില്‍ നടക്കും.6, 7, 8, 11 ക്ലാസ്സുകളിലേക്ക് പൊതുവായ സെലക്ഷനും, 9, 10 ക്ലാസ്സുകളിലെ ഒഴിവുള്ള സീറ്റുകളിലേക്ക് ലാറ്ററല്‍ എന്‍ട്രിയ്‌ക്കായി സംസ്ഥാനതലത്തില്‍ മെഡല്‍ നേടിയവര്‍ക്കും സെലക്ഷന്‍ നടത്തും. 7 മുതല്‍ 11 വരെ ക്ലാസ്സുകളിലേക്ക് അത്ലറ്റിക്സ്, ആര്‍ച്ചറി, ബാസ്‌ക്കറ്റ്ബോള്‍, ബോക്സിംഗ്, ക്രിക്കറ്റ് (പെണ്‍കുട്ടികള്‍), ഫെന്‍സിംഗ്, ഫുട്ബോള്‍, ഹാന്റ്‌ബോള്‍, ഹോക്കി, ജൂഡോ, കബഡി, ഖൊ-ഖൊ, നെറ്റ്ബോള്‍, സ്വിമ്മിംഗ്, തയ്‌ക്വാണ്‍ഡോ, വോളിബോള്‍, റെസലിംഗ്, കനോയിംഗ്, കയാക്കിംഗ്, റോവിംഗ് എന്നീ ഇനങ്ങളിലേക്ക് കായിക ക്ഷമതയുടെയും, അതത് കായിക ഇനത്തിലുളള മികവിന്റെയും അടിസ്ഥാനത്തിലാണ് സെലക്ഷന്‍ നടത്തുന്നത്. 6-ാം ക്ലാസ്സിലേക്ക് കായിക ക്ഷമതയുടെ അടിസ്ഥാനത്തിലാണ് സെലക്ഷന്‍.
2026 ഫെബ്രുവരി 1 ന് തൃശൂര്‍, ആലപ്പുഴ ഫെബ്രുവരി 2 ന്എറണാകുളം, പാലക്കാട്, ഫെബ്രുവരി 3 ന് പാല (കോട്ടയം), മലപ്പുറം ഫെബ്രുവരി 4 ന് കോഴിക്കോട്, ഫെബ്രുവരി 5 ന് നെടുങ്കണ്ടം (ഇടുക്കി), ഫെബ്രുവരി 6 ന് കല്‍പ്പറ്റ (വയനാട്), പത്തനംതിട്ട, ഫെബ്രുവരി 7 ന് കൊല്ലം, തലശ്ശേരി (കണ്ണൂര്‍) ഫെബ്രുവരി 8 ന് ജി.വി രാജ സ്പോര്‍ട്‌സ് സ്‌കൂള്‍, മൈലം (തിരുവനന്തപുരം), നീലേശ്വരം (കാസറഗോഡ്) എന്നിവിടങ്ങളിലാണ് സെലക്ഷന്‍ നടത്തുന്നത്.
കൂടുതല്‍ വിവരങ്ങള്‍ക്ക്: 0472- 289100, 0472 289220, 0471 2330167 .