കാനഡയിലെ ഖാലിസ്ഥാനി പ്രതിഷേധങ്ങളുടെ മുഖ്യ സംഘാടകനായ ഇന്ദർജീത് ഗോസലിനെ അറസ്റ്റ് ചെയ്തതായി കനേഡിയൻ പോലീസ്. ബ്രാംപ്ടണിലെ ഹിന്ദു ക്ഷേത്രം ആക്രമിച്ചതുമായി ബന്ധപ്പെട്ടാണ് ഇയാളെ അറസ്റ്റ് ചെയ്തതെന്ന് പീൽ റീജിയണൽ പോലീസ് (പിആർപി) വ്യക്തമാക്കി.

ഗോസൽ സിഖ് ഫോർ ജസ്റ്റിസ് (എസ്എഫ്ജെ) ജനറൽ കൗൺസൽ ഗുർപത്വന്ത് പന്നൂന്റ ലെഫ്റ്റനന്റ് ആയാണ് അറിയുന്നത്. ഖാലിസ്ഥാൻ ടൈഗർ ഫോഴ്‌സ് (കെടിഎഫ്) നേതാവ് ഹർദീപ് സിംഗ് നജ്ജാറന്റെ സഹായി ആയിരുന്നു ഇയാൾ. 2023 ജൂൺ 18-ന് ബ്രിട്ടീഷ് കൊളംബിയയിലെ സറേയിൽ വെച്ച് നജ്ജാര്‍ കൊല്ലപ്പെട്ടതിനെ തുടർന്ന് ഗോസൽ റഫറണ്ടത്തിന്റെ പ്രധാന കനേഡിയൻ സംഘാടകനായി ചുമതലയേൽക്കുകയായിരുന്നു.

ക്ഷേത്ര പരിസരത്ത് അടുത്തിടെയാണ് അതിക്രമിച്ച് കയറി ഖലിസ്ഥാൻ വാദികൾ ആക്രമണം നടത്തിയത്. ഇവര്‍ അവിടെ ഉണ്ടായിരുന്നവർക്ക് നേരെ അക്രമം അഴിച്ചുവിടുകയായിരുന്നു.