സംസ്ഥാനത്ത് നിലവിലുള്ള നിയമം അനുസരിച്ച് മാത്രമേ പ്രാക്ടീസ് നടത്താന് പാടുള്ളൂ.
ഡോക്ടര്മാരുടെ രജിസ്ട്രേഷന് ഇല്ലാതെയുള്ള പ്രാക്ടീസ് കുറ്റകരമാണെന്ന് ആരോഗ്യ മന്ത്രി വീണാ ജോര്ജ്. സംസ്ഥാനത്ത് നിലവിലുള്ള നിയമം അനുസരിച്ച് മാത്രമേ പ്രാക്ടീസ് നടത്താന് പാടുള്ളൂ. മെഡിക്കല് പ്രാക്ടീഷണേഴ്സ് ആക്ട് 2021 പ്രകാരം സംസ്ഥാനത്ത് രജിസ്റ്റര് ചെയ്യാത്തവര് പ്രാക്ടീസ് ചെയ്യുന്നത് കുറ്റകരമാണ്. ആശുപത്രിയില് ജോലി ചെയ്യുന്നവര് ക്ലിനിക്കല് എസ്റ്റാബ്ലിഷ്മെന്റ് നിയമ പ്രകാരം നിശ്ചിത യോഗ്യതയുള്ളവരാണെന്നും രജിസ്റ്റര് ചെയ്തവരാണെന്നും ഉറപ്പ് വരുത്തേണ്ടത് ആ സ്ഥാപനത്തിന്റെ ഉത്തരവാദിത്തമാണ്.
കോഴിക്കോട് നടന്ന സംഭവത്തില് കുറ്റക്കാര്ക്കെതിരെ നിയമപരമായി സാധ്യമായ എല്ലാ നടപടികളും സ്വീകരിക്കും. ക്ലിനിക്കല് എസ്റ്റാബ്ലിഷ്മെന്റ് ആക്ട് നടപ്പിലാക്കാന് എല്ലാവരുടേയും സഹകരണം അഭ്യര്ത്ഥിക്കുന്നു. ജോലിയ്ക്ക് നിയോഗിക്കപ്പെടുന്നവര്ക്ക് ആവശ്യമായ യോഗ്യത ഉണ്ടെന്നുള്ള സര്ട്ടിഫിക്കറ്റുകള് പരിശോധിച്ച് മാനേജ്മെന്റുകള് ഉറപ്പാക്കണം.
രജിസ്റ്റേര്ഡ് ഡോക്ടര്മാരുടെ പേര് മെഡിക്കല് കൗണ്സില് വെബ്സൈറ്റില് ലഭ്യമാക്കുന്നതിനുള്ള പ്രവര്ത്തനങ്ങള് കൗണ്സില് ആരംഭിച്ചിട്ടുണ്ട്. മെഡിക്കല് കൗണ്സില് സൈറ്റിലെ പ്രസ്തുത വിവരം ആവശ്യമുള്ളവര് മാത്രം കാണുന്നതിന് ക്യുആര് കോഡും ലഭ്യമാക്കാന് കഴിയുമെന്നും മന്ത്രി പറഞ്ഞു.