കുവൈത്ത്‌ സിറ്റി > ഇന്ത്യന്‍ എംബസി കോണ്‍സുലര്‍ ക്യാംപ്  29ന്  വെള്ളിയാഴ്ച  വഫ്ര ബ്ലോക്ക് -9, ലൈൻ-10, റോഡ് 500ല്‍ കോ-ഓപ്പറേറ്റീവ് സെസൈറ്റിയുടെ സമീപം ഫൈസല്‍ ഫാമില്‍ രാവിലെ മുതല്‍ 9.30 മുതല്‍ 3.30 വരെ നടക്കും. കോണ്‍സുലര്‍ ക്യാംപില്‍, പാസ്‌പോര്‍ട്ട് പുതുക്കല്‍ , റിലേഷന്‍ഷിപ്പ് സര്‍ട്ടിഫിക്കറ്റ്, ഡ്രൈവിങ് ലൈസന്‍സ് എക്സ്ട്രാക്റ്റ് ,ജനറല്‍ പവര്‍ ഓഫ് അറ്റോര്‍ണി, സിഗ്‌നേച്ചര്‍ അറ്റസ്‌റ്റേഷന്‍, മറ്റ് ജനറല്‍ അറ്റസ്‌റ്റേഷനുകള്‍ തുടങ്ങിയ വിവിധ സേവനങ്ങൾ  ചെയ്ത് കൊടുക്കും. എല്ലാ അറ്റസ്റ്റഡ് രേഖകളും അന്ന് തന്നെ നല്‍കും.

സേവനങ്ങളുടെ ഫീസ് ക്യാഷായി തന്നെ നല്‍കണം. കൂടാതെ, ഗാര്‍ഹിക-സ്വകാര്യ (വീസ നമ്പര്‍ 20,18) കമ്പനിയിലെ ജീവനക്കാരുടെ പരാതികളും സ്വീകരിക്കും. ഇന്ത്യന്‍ ഡോക്‌ടേഴ്‌സ് ഫോറവുമായി സഹകരിച്ച് സൗജന്യ മെഡിക്കല്‍ പരിശോധനയും ഏര്‍പ്പെടുത്തിയിട്ടുണ്ട്.

ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.