ദുബായ് > പരിസ്ഥിതി സംരക്ഷണത്തിനായുള്ള “ക്ലീൻ യുഎഇ” കാമ്പയിൻ്റെ 23ാമത് എഡിഷൻ ഡിസംബർ 5 ന് നടക്കും. കഴിഞ്ഞ വർഷത്തെ കാമ്പയിനിൽ 50,000 കിലോയിൽ കൂടുതൽ മാലിന്യം ശേഖരിച്ചിരുന്നു. 68,000-ലധികം സന്നദ്ധപ്രവർത്തകരാണ് പങ്കെടുത്തത്.

ഡിസംബർ 5 ന് അജ്മാനിലാണ് കാമ്പയിന്റെ തുടക്കം. ഡിസംബർ 7 ന് ദുബായ്, ഡിസംബർ 9 ന് അബുദാബി, ഡിസംബർ 9,10 തീയതികളിൽ ഷാർജ, ഡിസംബർ 11ന് ഫുജൈറ, ഡിസംബർ 12-ന് റാസൽഖൈമ, എന്നിങ്ങനെ എമിറേറ്റുകളിൽ  ദേശീയ വാർഷിക ക്യാമ്പയിൻ നടത്തുമെന്ന് എമിറേറ്റ്സ് എൻവയോൺമെൻ്റൽ ഗ്രൂപ്പ് സ്ഥാപകയും ചെയർപേഴ്‌സണുമായ ഹബീബ അൽ മറാഷി വിശദീകരിച്ചു. ഡിസംബർ 14-ന് ഉമ്മുൽ ഖുവൈനിൽ കാമ്പയിൻ സമാപിക്കും.   

ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.