0

உடல் எடையை குறைக்க பல்வேறு டயட் முறைகள் இருந்தாலும், பெரும்பாலானவர்கள் தேர்வு செய்வது “சூப் டயட்” தான். பிரபலங்கள் முதல் சாதாரண மக்கள் வரை, குறுகிய காலத்தில் எடையை குறைக்க இதை பின்பற்றுகிறார்கள்.

7 முதல் 15 நாட்கள் வரை திட உணவுகளை தவிர்த்து, முழுவதுமாக சூப்பினை மட்டும் உட்கொண்டால் உடல் எடை உடனே குறையும்,. எனினும் இதுகுறித்து மருத்துவரிடம் ஆலோசனை செய்து கொள்ளுங்கள்.

1. முட்டைக்கோஸ் சூப்: முட்டைக்கோஸ், தக்காளி, வெங்காயம், கேரட், இறைச்சி போன்றவற்றுடன் கூடிய சூப்பை 7 நாட்கள் தொடர்ந்து உட்கொள்பவர்கள் 4.5 கிலோ வரை எடையை குறைக்கலாம்.

2. சேக்ரட் ஹார்ட் : இறைச்சி, பச்சை பீன்ஸ், செலரி, தக்காளி, வெங்காயம், கேரட் போன்றவற்றை சேர்த்து தயாரிக்கப்படும் சூப். இதில் சர்க்கரை நிறைந்த உணவுகளை தவிர்க்க வேண்டும். 7 நாட்களில் 8 கிலோ வரை எடையை குறைக்கலாம்.

3. பீன் சூப்: காளான், பிண்டோ பீன்ஸ், குடைமிளகாய், தக்காளி போன்றவற்றை சேர்த்து தயாரிக்கப்படும் சூப். தினமும் இரண்டு முறை இதை உட்கொள்வதன் மூலம் ஒரே வாரத்தில் 4 முதல் 7 கிலோ வரை எடையை குறைக்கலாம்.