சென்னை: ‘‘அரசு ஊழியர்கள் ஓய்வு பெறுவதற்கு 3 மாதங்​களுக்கு முன்​பாகவே ஓய்வூதிய கருத்துருக்களை அனுப்ப வேண்​டும். அப்போது​தான் பரிசீலனை செய்து விரைவாக வழங்க முடியும்’’ என மாநில கணக்​காயர் வெள்​ளி​யங்​கிரி தெரி​வித்​தார்.

தணிக்கை வாரத்தை முன்னிட்டு, தமிழ்​நாடு முதன்மை கணக்​காயர் அலுவலகம் சார்​பில்,தணிக்கை செய்வது தொடர்பாக தமிழக அரசு அதிகாரி​களுக்கு நேற்று பயிற்சி வழங்​கப்​பட்​டது. இதை, தமிழ்​நாடு நிதித் துறை கூடுதல் செயலாளர் அருண் சுந்தர் தயாளன் தொடங்கி வைத்து பேசுகை​யில், ‘‘ஓய்வூதிய பலன்கள் கிடைக்க அரசு மற்றும் தணிக்கை துறைகள் ஒருங்​கிணைந்து செயல்பட வேண்டும்’’ என்றார்.

நிகழ்ச்​சி​யில் பேசிய தமிழ்​நாடு மாநில கணக்​காயர் அலுவல​கத்​தின், மாநில கணக்​காயர் வெள்​ளி​யங்​கிரி, ‘‘தமிழகத்​தில் ஆண்டு​தோறும் 20 ஆயிரம் ஓய்வூ​தியம் தொடர்பான கருத்​துருக்கள் வருகின்றன. ஒருவர் ஓய்வு பெறு​வதற்கு 3 மாதங்​களுக்கு முன்​பாகவே ஓய்வூதிய கருத்​துருக்களை அனுப்ப வேண்​டும். அப்போது​தான் பரிசீலனை செய்து விரைவாக வழங்க முடி​யும். 40 சதவீத கருத்​துருக்கள் மட்டுமே 3 மாதங்​களுக்கு முன்பு வருகிறது. எனவே, ஓய்வூ​தியம் தொடர்பான கருத்​துருக்களை காலதாமதம் இன்றி அனுப்ப வேண்​டும்’’ என்றார்.

இந்நிகழ்ச்​சி​யில், தெற்கு ரயில்வே தணிக்கை இயக்​குனர் ஜெனரல் அனிம் செரியன், தமிழ்​நாடு மற்றும் புதுச்​சேரி முதன்மை கணக்​காயர் (தணிக்கை-2) கே.பி.ஆனந்த், (தணிக்கை-1) டி.ஜெய்​சங்​கர், தணிக்கை இயக்​குனர் ஜென​ரல் ஆர். ​திருப்​பதி வெங்கடசாமி உள்​ளிட்ட பலர் பங்​கேற்றனர்​.