இந்தியாவில் தற்போது கிடைக்கும் தினசரி பேசல் இன்சுலின் 70 யூனிட் அளவின் விலை ரூ.345 முதல் ரூ.453 வரை உள்ளது.

அமெரிக்கா மற்றும் ஐரோப்பிய ஒன்றியத்திற்குப் பிறகு, இதை அறிமுகப்படுத்திய உலகின் ஏழாவது நாடு இந்தியா ஆகும்.

நோவோ நோர்டிஸ்கின் மதிப்பீட்டின்படி, இந்தியாவில் 10.1 கோடிக்கும் அதிகமானோர் நீரிழிவு நோயுடன் வாழ்கின்றனர்; மேலும் 13.6 கோடி பேர் நீரிழிவுக்கு முந்தைய நிலையில் உள்ளனர்.

ஊசி பயம் மற்றும் பொருளாதாரக் கவலைகள் காரணமாக இந்தியாவில் பலர் இன்சுலின் சிகிச்சையைத் தொடங்க 7 முதல் 9 ஆண்டுகள் வரை தாமதிக்கின்றனர்.

தற்போது சுமார் 60 லட்சம் பேர் இன்சுலின் பயன்படுத்துகின்றனர்.

மருத்துவர் மிட்டல் கூறுவதன்படி, 18 முதல் 24 மணி நேரம் செயல்படும் கிளார்ஜின் அல்லது டெக்லூடெக் போன்ற தினசரி இன்சுலின்களுடன் ஒப்பிடும்போது, இன்சுலின் ஐகோடெக்கின் அமைப்பு வேறுபட்டது. இதனால் அது நீண்ட காலத்திற்கு மெதுவாக வெளியிடப்படுகிறது.

“இயற்கை இன்சுலின் 4 முதல் 6 மணி நேரம் மட்டுமே செயல்படும். விஞ்ஞானிகள் மரபணு பொறியியல் மூலம் இன்சுலின் மூலக்கூறில் மாற்றம் செய்துள்ளனர். இதனால் ஊசி செலுத்தப்பட்ட பிறகு, இன்சுலின் ஐகோடெக் இரத்தத்தில் உள்ள ஆல்புமினுடன் இணைகிறது. பின்னர் அது 7 நாட்கள் மெதுவாக வெளியேறி இரத்தச் சர்க்கரையை கட்டுப்பாட்டில் வைத்திருக்கிறது” என்று அவர் கூறுகிறார்.

“இது வாரத்திற்கு ஒருமுறை எடுத்துக் கொள்ளப்படுகிறது. வாராந்திர அளவை நிர்ணயிக்க, தினசரி அளவை 7-ஆல் பெருக்க வேண்டும். மாத்திரைகள் போதிய பலன் தராதவர்களுக்கும், நாள்தோறும் ஊசி போடுவதால் சிரமப்படும் நோயாளிகளுக்கும் இது ஏற்றதாகும்” என மருத்துவர் ஷேக் கூறுகிறார்.

இந்தியாவில் அவிக்லி 18 வயது அல்லது அதற்கு மேற்பட்ட பெரியவர்களுக்கு மட்டுமே அங்கீகரிக்கப்பட்டுள்ளது.

“மாத்திரைகளால் இரத்தச் சர்க்கரை கட்டுப்பாட்டுக்குள் வராத டைப் 2 நீரிழிவு நோயாளிகளில், தினசரி ஊசிகளைத் தவிர்க்க விரும்பும் பெரியவர்களுக்கு இது சிறந்த தேர்வாக இருக்கலாம். தினந்தோறும் ஊசி போடுவதிலிருந்து விடுபட விரும்புபவர்களுக்கும் இது உதவக்கூடும்” என்கிறார் டாக்டர் மிட்டல்.

பேசல் கவர்: அவிக்லி பேசல் இன்சுலினாக மட்டுமே செயல்படுகிறது. அது 24 மணி நேரமும் பின்னணி இரத்தச் சர்க்கரையை கட்டுப்படுத்த உதவுகிறது.

உணவு நேர இன்சுலின்: உணவுக்குப் பிறகு அதிகரிக்கும் இரத்தச் சர்க்கரையை கட்டுப்படுத்த குறுகிய காலம் செயல்படும் (போலஸ்) இன்சுலின் தேவைப்படுபவர்கள், அவிக்லியுடன் சேர்த்து அந்த ஊசிகளையும் தொடர்ந்து எடுத்துக்கொள்ள வேண்டும்.

குறைவான ஊசிகள்: ஆண்டுக்கு 365 ஊசிகளுக்குப் பதிலாக 52 ஊசிகள் மட்டும்.

சீரான தன்மை: மருந்தளவை மறப்பதற்கான வாய்ப்பு குறையும்.

வாழ்க்கைமுறை மேம்பாடு: அதிக வேலை இருப்பவர்கள் அல்லது அடிக்கடி பயணம் செய்பவர்களுக்கு ஏற்றது.

சிறந்த இரத்தச் சர்க்கரை கட்டுப்பாடு: கிடைக்கும் தரவுகளின்படி, இது இரத்தச் சர்க்கரையைச் சிறப்பாக கட்டுப்படுத்துவதோடு, ஹைப்போகிளைசீமியா (சர்க்கரை மிகவும் குறைவது) அபாயத்தையும் குறைக்கக்கூடும்.

பயன்படுத்த எளிது: தனியாக வாழ்பவர்கள் அல்லது ஊசிக்கு பயப்படுபவர்களுக்கு உதவிகரமாக இருக்கும். குடும்ப உறுப்பினர் வாரத்திற்கு ஒருமுறை ஊசி செலுத்தி உதவலாம்.

வாராந்திர மருந்தளவு வசதியானதாக இருந்தாலும், கூடுதல் கவனம் தேவைப்படுவதாக டாக்டர் மிட்டல் எச்சரிக்கிறார்.

நீண்டகால ஹைப்போகிளைசீமியா அபாயம்: இன்சுலின் சிகிச்சையின் முக்கிய ஆபத்து இரத்தச் சர்க்கரை மிகவும் குறைவதாகும். தினசரி இன்சுலின் பயன்படுத்தும் போது இந்த பிரச்னை பொதுவாக 24 மணி நேரத்தில் சரியாகலாம். ஆனால் வாராந்திர இன்சுலின் 7 நாட்கள் வரை உடலில் இருக்கும். எனவே நோயாளியை தொடர்ந்து கண்காணிக்க வேண்டும்.

மருந்தளவை கவனமாகப் பின்பற்ற வேண்டும்: இந்த இன்சுலின் மிகவும் செறிவூட்டப்பட்டதாகும் (700 யூனிட்/மில்லிலிட்டர்). இதற்கான சிறப்பு பேனாவில் ஒரு ‘கிளிக்’ என்பது 10 யூனிட்களை குறிக்கும். தவறுதலாக கூடுதல் கிளிக்குகள் செய்யப்பட்டால் அதிகளவு மருந்து செலுத்தப்படும் அபாயம் உள்ளது.

மருந்தளவை மறப்பது அல்லது இருமுறை செலுத்துவது: ஒரு வார மருந்தின் அளவை தவறவிடுதல் அல்லது தவறுதலாக இருமுறை செலுத்துதல் முழு வார இரத்தச் சர்க்கரை கட்டுப்பாட்டையும் பாதிக்கக்கூடும்.

இரத்தச் சர்க்கரை குறைதல் அல்லது உடல் எடை அதிகரித்தல் போன்ற வழக்கமான இன்சுலின் சார்ந்த அபாயங்களும் இருக்கலாம். இருப்பினும், ஐகோடெக் பயன்படுத்தும் போது எடை அதிகரிப்பு ஒப்பீட்டளவில் குறைவாகக் காணப்பட்டதாக தெரிவிக்கப்படுகிறது. இரத்தச் சர்க்கரை மிகக் குறைந்தால், “15 நிமிட விதி”யைப் பின்பற்ற வேண்டும். அதாவது உடனடியாக இனிப்பான உணவு அல்லது பானம் எடுத்துக்கொண்டு, 15 நிமிடங்களுக்குப் பிறகு மீண்டும் இரத்தச் சர்க்கரையைச் சரிபார்க்க வேண்டும்.

நிபுணர்கள் கூறுவதன்படி, பின்வரும் நபர்கள் இன்சுலின் ஐகோடெக்கைப் பயன்படுத்தக் கூடாது:

– இது, பிபிசிக்காக கலெக்டிவ் நியூஸ்ரூம் வெளியீடு