வரும் வாரங்களில் பிரதமர் நரேந்திர மோதி ஆர்எஸ்எஸ் தலைமையகத்திற்கு வருகை தருவது குறித்தும் சுனில் அம்பேத்கர் கருத்து தெரிவித்தார்.

ஆர்எஸ்எஸ் தலைமையகத்திற்கு பிரதமர் வருவது அசாதாரணமான ஒரு விஷயமல்ல, வாஜ்பாய்கூட பிரதமராக இருந்தபோது ஆர்எஸ்எஸ் தலைமையகத்திற்கு வருகை தந்துள்ளார் என்று அவர் கூறினார்.

ஆர்எஸ்எஸ் கூட்டங்களில் கலந்துகொள்பவர்களின் எண்ணிக்கை குறைந்து வருகிறது என்ற கருத்தினை சுனில் அம்பேத்கர் நிராகரித்தார். மாநாட்டின் இறுதியில் அகில இந்திய பிரதிநிதிகள் சபை இது குறித்த தரவுகளை வெளியிடும் என அவர் கூறினார்

“அந்த தரவுகள் இதற்கு பதில் சொல்லும். ஆர்எஸ்எஸ்-ல் அதிக அளவில் மக்கள் இன்னும் சேர்க்கிறார்கள் என்பதை நான் உங்களுக்கு உறுதியளிக்கிறேன். ஒவ்வொரு வருடமும் ஒரு லட்சத்து இருபதாயிரம் பேர் சேர்க்கிறார்கள். எனவே, சங்கத்தின் கூட்டங்களுக்கு வருபவர்களின் எண்ணிக்கை குறைந்து வருகிறது என்ற உங்கள் கேள்வி சரியல்ல”, என்று அவர் கூறினார்.

“கடந்த நான்கு ஆண்டுகளில், நகரங்கள் மற்றும் கிராமப்புறங்களில் எங்கள் சங்கத்தின் கிளைகளை விரிவுபடுத்த முயற்சிகளை மேற்கொண்டுள்ளோம். இப்போது, முன்பு நடத்தப்படாத இடங்களிலும் கூட கூட்டங்கள் நடத்தப்படுகின்றன”, என்று சுனில் அம்பேத்கர் கூறினார்.

ஆர்எஸ்எஸ் நிறுவப்பட்டு இந்த ஆண்டுடன் 100 ஆண்டுகள் நிறைவு பெறுகிறது. இந்த ஆண்டு அகில இந்திய பிரதிநிதிகள் சபை ஆர்எஸ்எஸ்ஸின் 100 ஆண்டுகால மதிப்பாய்வை முன்வைக்க இருக்கிறது. இத்துடன் அமைப்பின் எதிர்காலத் திட்டங்களைப் பற்றியும் இந்த சபை தெரிவிக்க இருக்கிறது.

ஆர்எஸ்எஸ்ஸின் நூற்றாண்டு விழா 2025 விஜயதசமியிலிருந்து 2026 வரை கொண்டாடப்படும் என்று சுனில் அம்பேத்கர் கூறினார்.

அகில இந்திய பிரதிநிதிகள் சபையின் மாநாட்டின் இறுதி நாளில் ஒரு தீர்மானம் நிறைவேற்றப்படும்.

“வங்கதேசத்தில் மட்டுமல்ல, உலகம் முழுவதும் இந்துக்கள் மீதான தாக்குதல்களுக்கு எதிராக இந்த மாநாட்டில் ஒரு ஒரு தீர்மானத்தை நிறைவேற்றப்படும்”, என்று சுனில் அம்பேத்கர் கூறினார்.

இந்த கூட்டத்தில் பஞ்ச பரிவர்த்தன் திட்டம் குறித்து மதிப்பாய்வு செய்யப்படும் என்று சுனில் அம்பேத்கர் கூறினார். அவர் கூறியதன்படி பஞ்ச பரிவர்த்தன் திட்டம், குடும்பத்தில் விழிப்புணர்வு, சமூக ஒற்றுமை, கடமை குறித்த உணர்வு, சுற்றுச்சூழல் பாதுகாப்பு மற்றும் சுதேசி வாழ்க்கை முறை ஊக்குவிப்பு.