1

அமெரிக்கா – அரிஸோனா மாநிலத்தில் ஓடுபாதையை விட்டு விலகி, வீதிக்கு வந்த சிறிய விமானம் ஒன்று, கார் மீது மோதியதில் 12 வயதுச் சிறுவன் உட்பட ஐந்து பேர் உயிரிழந்துள்ளனர்.

அந்த விமானம், ஃபீனிக்ஸ் விமான நிலையத்தின் இரும்பு வேலியை மோதி உடைத்துக்கொண்டு, வீதியில் சென்றுகொண்டிருந்த காரை இடித்துத் தள்ளியுள்ளது.

சுமார் 6 பேர் பயணிக்கக்கூடிய HondaJet HA-420 என்ற அந்த சிறிய விமானம், யூட்டா மாநிலத்திற்குப் புறப்படவிருந்தது. எனினும், திட்டமிட்டப்படி விமானம் ஏன் புறப்படவில்லை எனத் தெரியவில்லை. அதில் இருந்த 12 வயது சிறுவன் உட்பட ஐந்து பேரில் நால்வர் சம்பவ இடத்திலேயே உயிரிழந்துள்ளனர். விமானி கடுமையான காயங்களுடன் வைத்தியசாலையில் அனுமதிக்கப்பட்டுள்ளார்.

மேலும், கார் ஓட்டுநரும் சம்பவ இடத்திலேயே உயிரிழந்துள்ளார்.

இந்தச் சம்பவம் தொடர்பான மேலதிக விசாரணைகள் முன்னெடுக்கப்பட்டு வருகின்றன.