சென்னையில் 1991ஆம் ஆண்டு பிறந்த காவ்யா மாறன், சன் குழுமத்தின் நிறுவனர் மற்றும் தலைவருமான கலாநிதி மாறனின் ஒரே மகள்.

காவ்யா மாறனின் தாத்தா முன்னாள் மத்திய அமைச்சரான முரசொலி மாறன். மேலும் காவ்யா முன்னாள் தமிழ்நாடு முதலமைச்சர் கருணாநிதியின் கொள்ளுப் பேத்தியும் ஆவார்.

காவ்யா, சென்னையில் உள்ள ஸ்டெல்லா மேரிஸ் கல்லூரியில் இளங்கலைப் பட்டமும், பின்னர் வெளிநாட்டிற்குச் சென்று முதுகலைப் பட்டத்தையும் பெற்றார். சன் குழுமத்தின் ஓர் அங்கமான சன் மியூசிக் மற்றும் வானொலி பிரிவுகளையும் அவர் நிர்வகித்து வந்தார்.

மேலும் சன் நெக்ஸ்ட் ஓ.டி.டி. தளத்தைக் கட்டமைத்ததில் இவருக்கு முக்கியப் பொறுப்பு இருக்கிறது. 2018ஆம் ஆண்டு முதல் சன்ரைசர்ஸ் ஹைதராபாத் அணியை காவ்யா மாறன் நிர்வகித்து வருகிறார்.

சன் குழுமத்தின் நிர்வாகக் குழுவில் காவ்யா மாறன், 2019ஆம் ஆண்டில் இணைந்தார். காவ்யா மாறன் தற்போது சன் குழுமத்தின் செயல் இயக்குநராகவும் இருக்கிறார்.