விராட் கோலி, ரஜத் பட்டிதார், யஷ் தயால், ஜோஷ் ஹேசல்வுட், பில் சால்ட், ஜிதேஷ் ஷர்மா, புவனேஷ்வர் குமார், லியாம் லிவிங்ஸ்டோன், ராசிக் தார், குர்னல் பாண்டியா, சூயஷ் ஷர்மா, ஜேக்கப் பெத்தல், ரோமாரியோ ஷெப்பார்ட், டிம் டேவிட், தேவ்தத் படிக்கல், நுவான் துஷாரா, இங்கிடி, ஸ்வப்னில் சிங், மனோஜ் பந்தகே, ஸ்வஸ்திக் சிகாரா, அபிநந்தன் சிங், மோகித் ரதே.

களத்திலும் சரி, இணையத்திலும் சரி இரு அணிகளுக்கும் இருக்கும் ரசிகர்கள் பட்டாளத்தைப் பற்றி தனியாக விவரிக்கத் தேவையில்லை. எனவே இரு அணிகள் மோதும் இந்தப் போட்டி, ரசிகர்களிடையே பெரும் எதிர்பார்ப்பை ஏற்படுத்தியுள்ளது.

இந்தப் போட்டியில் ஆர்சிபி அணிக்கு இருக்கும் மிகப்பெரிய சவால் என்னவென்றால், நூர், அஷ்வின் மற்றும் ஜடேஜாவின் சுழற்பந்துவீச்சை எப்படி எதிர்கொள்ளப்போகிறார்கள் என்பது தான். குறிப்பாக சிஎஸ்கே அணியில் அஸ்வின் 12 ஆண்டுகளுக்குப் பின் இணைந்துள்ளது சுழற்பந்துவீச்சைப் பலப்படுத்தியுள்ளது.

டாஸ் வென்று ஆர்சிபி அணி பேட்டிங் தேர்வு செய்தால், இவர்களின் பந்துவீச்சை எதிர்கொண்டு, ரன்களைக் குவிப்பது எளிதாக இருக்காது. மும்பை அணிக்கு எதிரான ஆட்டத்தில், சென்னை அணியின் சுழற்பந்துவீச்சாளர்கள் 11 ஓவர்களில் 70 ரன்கள் கொடுத்து 5 விக்கெட்டுகளை வீழ்த்தினர் என்பது குறிப்பிடத்தக்கது. சேப்பாக்கம் மைதானத்தின் ஆடுகளமும் சுழற்பந்துவீச்சுக்கு சாதகமாக இருக்கும் என்றே எதிர்பார்க்கப்படுகிறது.

கடந்த சீசனில் ஆர்சிபி தொடக்கத்தில் தோல்விகளைச் சந்தித்தாலும் பிற்பகுதியில் அடுத்தடுத்து தொடர் வெற்றிகளைப் பெற்றது. எனவே இந்தப் போட்டியின் முடிவை வைத்து எதையும் கணிக்க முடியாது.

ஐபிஎல் 2024 சீசனில், ஆர்சிபி அணி 14 போட்டிகளில் 7 வெற்றிகள், 8 தோல்விகளுடன் 46% வெற்றி சதவீதத்தைப் பெற்றது. அதேநேரத்தில் சிஎஸ்கே அணி 14 போட்டிகளில் 7 வெற்றி, 7 தோல்விகளுடன் 50 சதவீத வெற்றிகளைப் பெற்றது. ஏறக்குறைய சிஎஸ்கேவுக்கு இணையாக எந்தவிதத்திலும் குறைவில்லாத ஃபார்மில்தான் ஆர்சிபி இருக்கிறது.

– இது, பிபிசிக்காக கலெக்டிவ் நியூஸ்ரூம் வெளியீடு