ஜம்மு காஷ்மீரில் உள்ள 90 தொகுதிகளுக்கும் மூன்று கட்டங்களாக வாக்குப்பதிவு நடைபெற்றது. ஹரியாணா மாநிலத்தில் மொத்தமுள்ள 90 தொகுதிகளுக்கும் ஒரே கட்டமாக சனிக்கிழமை (அக்டோபர் 5) வாக்குப்பதிவு நடந்து முடிந்தது.
ஜம்மு காஷ்மீர் மற்றும் ஹரியாணாவில் இன்று (அக்டோபர் 8) வாக்கு எண்ணிக்கை நடைபெறுகிறது. காலை 8 மணிக்கு வாக்கு எண்ணிக்கை தொடங்குகிறது. இதுபற்றிய நேரடித் தகவல்களை உடனுக்குடன் பிபிசி தமிழ் வழங்குகிறது.
ஜம்மு காஷ்மீர் சட்டமன்ற தேர்தல்
90 தொகுதிகள் கொண்ட ஜம்மு காஷ்மீரில் செப்டம்பர் 18 முதல் அக்டோபர் 1 ஆம் தேதி வரை என மூன்று கட்டங்களாக சட்டமன்ற தேர்தல் நடைபெற்றது. 2014 ஆம் ஆண்டிற்கு பிறகு கடந்த பத்து ஆண்டுகளில் முதன் முறையாக இங்கு சட்டமன்ற தேர்தல் நடைபெற்றது. ஜம்மு காஷ்மீருக்கு சிறப்பு அந்தஸ்து வழங்கிய 370-வது சட்டப்பிரிவு நீக்கப்பட்ட பிறகு அங்கே நடைபெறும் முதல் தேர்தல் இது என்பது குறிப்பிடத்தக்கது.
இந்த தேர்தலில் ஒட்டுமொத்தமாக 63.88 சதவீத வாக்குகள் பதிவாயின.
பட மூலாதாரம், ANI
படக்குறிப்பு, ஜம்மு காஷ்மீர் சட்டமன்ற தேர்தலில் வாக்களித்துவிட்டு வெளியே வந்த வாக்காளர்கள் (கோப்புப் படம்)
முக்கிய கட்சிகள்
இந்த தேர்தலில் காங்கிரஸ் – தேசிய மாநாட்டு கட்சி கூட்டணியாக போட்டியிட்டன. பாரதிய ஜனதா, மக்கள் ஜனநாயகக் கட்சி ஆகியவை தனித்து களம் கண்டன.
பிரதமர் நரேந்திர மோடி, மத்திய உள்துறை அமைச்சர் அமித் ஷா, காங்கிரஸ் மூத்த தலைவர் ராகுல் காந்தி மற்றும் ஜம்மு காஷ்மீர் முன்னாள் முதல்வர்கள் ஃபரூக் அப்துல்லா, மெகபூபா முப்தி ஆகியோர் இந்த தேர்தலில் களத்தில் தீவிரமாக பிரசாரத்தில் ஈடுபட்டனர்.
ஜம்மு காஷ்மீர் தேர்தல் கருத்துக் கணிப்பு முடிவுகள் என்ன?
இந்தியா டுடே-சி வோட்டர்
காங்கிரஸ் – தேசிய மாநாட்டுக் கட்சி – 40 – 48
மக்கள் ஜனநாயக கட்சி (பிடிபி) – 6 – 12
மற்றவர்கள் – 6-11
ஆக்சிஸ்-மை இந்தியா
காங்கிரஸ் – தேசிய மாநாட்டுக் கட்சி – 35-45
மக்கள் ஜனநாயக கட்சி (பிடிபி) – 4 – 6
மற்றவர்கள் – 9-23
தானிக் பாஸ்கர் ரிப்போர்ட்டர்ஸ்
காங்கிரஸ் – தேசிய மாநாட்டுக் கட்சி – 35-40
மக்கள் ஜனநாயக கட்சி (பிடிபி) – 4-7
மற்றவர்கள் – 12-18
படக்குறிப்பு, ஹரியாணா சட்டமன்ற தேர்தல்
ஹரியாணா சட்டமன்ற தேர்தல்
ஹரியாணாவின் 15-வது சட்டமன்ற தேர்தல் இதுவாகும். அம்மாநிலத்தில் உள்ள 90 தொகுதிகளிலும் அக்டோபர் 5 ஆம் தேதி ஒரே கட்டமாக வாக்குப்பதிவு நடைபெற்றது. இந்த தேர்தலில் ஒட்டுமொத்தமாக 67.90 சதவீத வாக்குகள் பதிவாயின. சிர்சா மாவட்டத்தில் அதிகபட்சமாக 75.36 சதவீத வாக்குகள் பதிவானது. பரிதாபாத் மாவட்டத்தில் மிகக் குறைவாக 56.4 9சதவீத வாக்குகள் பதிவானதாக தேர்தல் ஆணையம் கூறியுள்ளது.
முக்கிய கட்சிகள்
பாரதிய ஜனதா கட்சி (பாஜக), காங்கிரஸ், ஆம் ஆத்மி கட்சி, இந்திய தேசிய லோக் தளம்- பகுஜன் சமாஜ் கட்சி கூட்டணி , ஜனநாயக ஜனதா கட்சி – ஆசாத் சமாஜ் கட்சி கூட்டணி ஆகியன இம்மாநிலத்தின் மூத்த கட்சிகள் ஆகும்.
பிரதமர் நரேந்திர மோடி, மத்திய உள்துறை அமைச்சர் அமித் ஷா, காங்கிரஸ் தலைவர் ராகுல் காந்தி, அம்மாநில முதல்வர் நயப் சிங் சைனி, முன்னாள் முதல்வர் பூபேந்திர சிங் ஹூடா, டெல்லியின் முன்னாள் முதல்வர் அரவிந்த் கெஜ்ரிவால், உத்தர பிரதேச முதல்வர் யோகி ஆதித்யநாத் ஆகியோர் இம்மாநிலத்தில் பிரச்சாரத்தில் ஈடுபட்டனர்.
ஹரியாணா தேர்தல் கருத்துக்கணிப்பு முடிவுகள் என்ன?
இந்தியா டுடே-சி வோட்டர்
காங்கிரஸ் – 50 -58
ஜனநாயக ஜனதா கட்சி – ஆசாத் சமாஜ் கட்சி கூட்டணி – 0 – 2
மற்றவர்கள் – 10 – 14
ஆக்சிஸ்-மை இந்தியா
காங்கிரஸ் – 53 – 65
இந்திய தேசிய லோக் தளம்- பகுஜன் சமாஜ் கட்சி கூட்டணி – 1 – 5
மற்றவர்கள் – 3 – 8
தானிக் பாஸ்கர் ரிப்போர்ட்டர்ஸ்
காங்கிரஸ் – 44 – 54
ஜனநாயக ஜனதா கட்சி – ஆசாத் சமாஜ் கட்சி கூட்டணி – 0 – 1
இந்திய தேசிய லோக் தளம்- பகுஜன் சமாஜ் கட்சி கூட்டணி – 1 – 5
