மேலும் அவர் தனது முதல் பதவிக் காலத்தில் மாணவர் விசாக்களில் சில வரம்புகளையும் முன்மொழிந்தார்.

மாசசூசெட்ஸ் தொழில்நுட்ப நிறுவனம் மற்றும் வெஸ்லியன் பல்கலைக்கழகம் ஆகிய கல்வி நிறுவனங்களும் பயண ஆலோசனைகளை வழங்கியுள்ளன.

அதில் மாணவர்கள் மற்றும் பணியாளர்கள் டிரம்ப்பின் பதவியேற்பு நாளுக்கு முன்னதாக அமெரிக்காவிற்கு திரும்புமாறு வலியுறுத்தியுள்ளனர்.

குடியேற்றக் கொள்கை மாற்றங்கள் தொடர்பாக மாணவர்கள் கொண்டுள்ள கவலைகள் குறித்து பேசுவதற்காக யேல் பல்கலைக்கழகத்தின் சர்வதேச மாணவர்கள் மற்றும் அறிஞர்களின் அலுவலகம் இந்த மாதம் ஒரு பயிலரங்கம் நடத்தியது என்று ஒரு மாணவர் செய்தித்தாள் செய்து வெளியிட்டுள்ளது

வெளிநாட்டில் பிறந்து, டெகா திட்டத்தின் மூலம் நாட்டிலிருந்து வெளியேற்றப்படுவதில் இருந்து பாதுகாக்கப்பட்ட மாணவர்களும் இதில் அடங்குவர்.

குழந்தைகளாக அமெரிக்காவிற்கு வந்த அரை மில்லியனுக்கும் அதிகமான புலம்பெயர்ந்தோரை, நாட்டிலிருந்து வெளியேற்றப்படுவதில் இருந்து பாதுகாக்கும் ஒபாமா காலத் திட்டத்தை முடிவுக்கு கொண்டுவர டிரம்ப் முயன்றார்.

டிரம்பின் கீழ் அமெரிக்க-சீனா உறவுகள் குறித்து ஆசியாவைச் சேர்ந்த மாணவர்கள், குறிப்பாக சீனாவைச் சேர்ந்த மாணவர்கள் “நிலையற்ற தன்மையை” உணர்கிறார்கள் என்று பேராசிரியர் ஈஸ்ட் கூறினார்.

இந்தியானாவில் உள்ள ஏர்ல்ஹாம் கல்லூரியில் படிக்கும் ஜப்பானைச் சேர்ந்த சர்வதேச மாணவி அயோய் மேடா, தனது எதிர்காலக் கல்வி குறித்து கவலை கொண்டுள்ள பல மாணவர்களில் ஒருவர்.

“நான் மே 2026 இல் பட்டம் பெறத் திட்டமிட்டுள்ளேன். ஆனால் இப்போது நிர்வாகம் இன்னும் சற்று ஆபத்தானதாக இருக்கப் போகிறது, மேலும் விஷயங்கள் நன்றாக நடக்கும் என்பதில் எனக்கு நம்பிக்கை இல்லை,” என்று அவர் கூறினார்.

“டிரம்ப், சட்டவிரோதமாக குடியேறியவர்களை வெளியேற்றுவதில் மட்டுமே ஆர்வமாக இருப்பதாகக் கூறுகிறார், ஆனால் அதை கடந்தும் அவரது திட்டங்கள் இருக்கின்றன” என மேடா தொடர்ந்தார்.

“விசா உள்ள சர்வதேச மாணவர்கள் பாதிக்கப்படலாம், ஏனென்றால் எங்களை வெளியேற்றுவது எளிதானது என நான் உணர்கிறேன்.” என்றும் மேடா தெரிவித்தார்.

-இது, பிபிசிக்காக கலெக்டிவ் நியூஸ்ரூம் வெளியீடு