• Mon. Nov 16th, 2026

24×7 Live News

Apdin News

டிரம்ப், புதின், ஜின்பிங் மூவரும் அடுத்த வாரம் சந்திக்க திட்டம் ஏன்?

Byadmin

Nov 16, 2026


அமெரிக்கா, ரஷ்யா சீனா, வெள்ளை மாளிகை

படக்குறிப்பு,

பிரசுரிக்கப்பட்டது

வாசிக்கும் நேரம்: 3 நிமிடங்கள்

சீனாவில் அடுத்த வாரம் நடைபெறவுள்ள உச்சிமாநாட்டின்போது, அமெரிக்க அதிபர் டொனால்ட் டிரம்ப், ரஷ்ய அதிபர் விளாடிமிர் புதின், சீன அதிபர் ஷி ஜின்பிங் ஆகியோர் சந்திக்கத் திட்டமிட்டுள்ளதாக வெள்ளை மாளிகை தெரிவித்துள்ளது.

அமெரிக்கா, ரஷ்யா, சீனா ஆகிய மூன்று நாட்டு தலைவர்களின் இந்த வரலாற்றுச் சிறப்புமிக்க சந்திப்பு, சீனாவின் தெற்குப் பகுதியில் உள்ள ஷென்சென் நகரில் நடைபெறவுள்ள ஆசிய-பசிபிக் பொருளாதார ஒத்துழைப்பு உச்சிமாநாட்டின்போது இடம்பெறும் என வெள்ளை மாளிகை செய்தித் தொடர்பாளர் ஒலிவியா வேல்ஸ் செய்தியாளர்களிடம் தெரிவித்தார்.

“உலகளவில் அணு ஆயுதங்களைக் குறைப்பது குறித்து அதிபர் டிரம்ப் விவாதிக்கவுள்ளார். அணு ஆயுதப் பரவல் மிகவும் ஆபத்தானது என்று அவர் கருதுகிறார்” என அவர் கூறினார்.

உலகின் மிகப்பெரிய அணுசக்தி வல்லரசுகளின் தலைவர்கள் பங்கேற்கும் இந்தச் சந்திப்பில், இரான் விவகாரம் குறித்தும் ஆலோசிக்கப்பட வாய்ப்புள்ளது என்றும், யுக்ரேன் போர் குறித்து விவாதிக்கப்படாது என்றும் தெரிகிறது.

இந்தச் சந்திப்பு குறித்து ரஷ்யாவோ அல்லது சீனாவோ இதுவரை எந்தக் கருத்தும் தெரிவிக்கவில்லை.

By admin