3

திரைப்படம், விளையாட்டு மற்றும் இசைத் துறையில் மில்லியன் கணக்கான முதலீடுகளை இங்கிலாந்து அரசாங்கம் மேற்கொள்ளவுள்ளது

இங்கிலாந்து ஒரு “படைப்பு வல்லரசாக” இருப்பதை உறுதி செய்யும் முயற்சியாக, நாட்டின் படைப்புத் தொழில்களுக்கு £380 மில்லியன் ஊக்கத்தொகையை கலாசாரச் செயலாளர் லிசா நந்தி அறிவித்துள்ளார்.

பணச் செலுத்துதல், படைப்பாற்றல் துறையில் தனியார் முதலீட்டை இரட்டிப்பாக்கும் என்று எதிர்பார்க்கப்படுகிறது, இது 2023 ஆம் ஆண்டில் இங்கிலாந்து பொருளாதாரத்தில் 5.7% அல்லது £124 பில்லியனாக காணப்படது.

இந்த முதலீடு “பிராந்திய வளர்ச்சியை அதிகரிக்கும், தனியார் முதலீட்டைத் தூண்டும் மற்றும் ஆயிரக்கணக்கான உயர்தர வேலைகளை உருவாக்கும்” என்று நந்தி கூறியுள்ளார்.

“இந்தத் திட்டம் 2035 ஆம் ஆண்டுக்குள் இந்தத் துறையில் வணிக முதலீட்டை கிட்டத்தட்ட இரட்டிப்பாக்கும் – £17 பில்லியனில் இருந்து £31 பில்லியனாக – உலகளாவிய படைப்பு வல்லரசாக UK இன் நிலையை உறுதிப்படுத்தும் ஒரு துணிச்சலான தொலைநோக்குப் பார்வையை கோடிட்டுக் காட்டுகிறது.” என கலாசாரம், ஊடகம் மற்றும் விளையாட்டுத் துறை அமைச்சகம் வெளியிட்டுள்ள அறிக்கையில் தெரிவிக்கப்பட்டுள்ளது.

“திரைப்படம், தொலைக்காட்சி, இசை, நிகழ்ச்சி மற்றும் காட்சி கலைகள், வீடியோ கேம்கள் மற்றும் விளம்பரம் போன்ற துணைத் துறைகளில் ஆயிரக்கணக்கான புதிய வேலைகள் மற்றும் வாய்ப்புகளை உருவாக்க இலக்கு முதலீட்டை வழங்குவதற்கான பரந்த திட்டத்தின் ஒரு பகுதியாக இது காணப்படுவதுடன், அடுத்த மூன்று ஆண்டுகளில் இலண்டனுக்கு வெளியே ஆறு பிராந்தியங்களில் பொருளாதார வளர்ச்சியை உருவாக்கும்” என அந்த அறிக்கையில் கூறப்பட்டுள்ளது.