தென்கிழக்கு லண்டனில் ஒருவர் சுட்டுக்கொல்லப்பட்டுள்ளதுடன், இருவர் துப்பாக்கிச் சூட்டுக் காயங்களுடன் வைத்தியசாலையில் அனுமதிக்கப்பட்டுள்ளனர் என அந்நகர பொலிஸார் தெரிவித்தனர்.

இந்தத் துப்பாக்கிச் சூட்டுச் சம்பவம், சிடன்ஹாமில் (Sydenham) உள்ள வெல்ஸ் பார்க் (Wells Park) வீதிக்கு அருகே நேற்று ஞாயிற்றுக்கிழமை காலை 10:10 மணிக்கு இடம்பெற்றுள்ளதாக பொலிஸார் தெரிவித்தனர்.

சம்பவத்தில் படுகாயங்களுக்கு உள்ளான நபர் ஒருவர் சம்பவ இடத்திலேயே உயிரிழந்துள்ளார்.

அத்துடன், ஒரு பெண் கால்களில் துப்பாக்கிச் சூட்டுக் காயங்களுக்கு உள்ளாகிய நிலையில் வைத்தியசாலையில் அனுமதிக்கப்பட்டுள்ளார். அவருடைய உயிருக்கு ஆபத்து இல்லை என வைத்தியர்கள் தெரிவித்துள்ளனர்.

மேலும், மூன்றாவது நபர் ஒருவர் துப்பாக்கிச் சூட்டுக் காயங்களுடன் வைத்தியசாலையில் அனுமதிக்கப்பட்டு, தொடர்ந்து சிகிச்சை அளிக்கப்பட்டு வருகின்றனார்.

இந்த துப்பாக்கிச்சூட்டு சம்பவம் தொடர்பில் எவரும் கைது செய்யப்படவில்லை.

சம்பவ இடத்தில் தடயவியல் நிபுணர்களும், கூடுதல் அதிகாரிகளும் ரோந்து பணியில் ஈடுபடுத்தப்படுவார்கள் என்றும் அப்பகுதியில் பொலிஸ் சுற்றிவளைப்புகளும் சில காலத்திற்கு இருக்கும் என்றும் பொலிஸார் கூறினார்.

The post தென்கிழக்கு லண்டனில் ஒருவர் சுட்டுக்கொலை; இருவர் காயம் appeared first on Vanakkam London.