கல்கிஸை பொலிஸ் பிரிவுக்குட்பட்ட படோவிட்ட பகுதியில் இன்று புதன்கிழமை இரவு இடம்பெற்ற துப்பாக்கிச்சூட்டில் இளைஞர் ஒருவர் உயிரிழந்துள்ளார்.
துப்பாக்கிச்சூட்டில் படுகாயமடைந்த மேற்படி நபர் சிகிச்சைக்காகக் களுபோவில வைத்தியசாலையில் சேர்க்கப்பட்டதன் பின்னர் உயிரிழந்துள்ளார்.
படோவிட்ட பிரதேசத்தில் வசிக்கும் 30 வயதுடைய இளைஞரே சம்பவத்தில் உயிரிழந்துள்ளார்.
இந்தத் துப்பாக்கிச்சூட்டுக்கு ரி – 56 ரக துப்பாக்கி பயன்படுத்தப்பட்டிருக்கலாம் எனப் பொலிஸார் சந்தேகிக்கின்றனர்.
சந்தேகநபர்கள் தொடர்பான எந்தத் தகவலும் இதுவரை வெளியாகவில்லை.
இந்தச் சம்பவம் தொடர்பில் பொலிஸார் தீவிர விசாரணைகளை மேற்கொண்டு வருகின்றனர்.
