‘டை நோ சர்ஸ்’ எனும் படத்தின் மூலம் தமிழ் சினிமா ரசிகர்களிடத்தில் பிரபலமான நடிகர் உதய் கார்த்திக் கதையின் நாயகனாக நடித்திருக்கும் ‘ஃபேமிலி படம்’ எனும் திரைப்படத்தில் இடம்பெற்ற ‘நெசமா..’ எனும் பாடலும், பாடலுக்கான லிரிக்கல் வீடியோவும் வெளியிடப்பட்டிருக்கிறது.

இதனை நடிகர் கதிர் மற்றும் நடிகை ஐஸ்வர்ய லட்சுமி ஆகியோர் இணைந்து அவர்களுடைய இணைய பக்கத்தில் வெளியிட்டு, இசையமைப்பாளருக்கும், பட குழுவினருக்கும் வாழ்த்து தெரிவித்துள்ளனர்.

இயக்குநர் செல்வகுமார் திருமாறன் இயக்கத்தின் உருவாகி வரும் ‘ஃபேமிலி படம்’ எனும் திரைப்படத்தில் உதய் கார்த்திக், விவேக் பிரசன்னா, சுபிக்ஷா காயரோகனம், பார்த்திபன் குமார், ஸ்ரீஜா ரவி, மோகனசுந்தரம், ஜனனி, சந்தோஷ் கேசவன், அரவிந்த் ஜானகிராமன் உள்ளிட்ட பலர் நடித்திருக்கிறார்கள்.

மெய்யேந்திரன் ஒளிப்பதிவு செய்திருக்கும் இந்த திரைப்படத்திற்கு அனிவீ இசையமைத்திருக்கிறார்.

இந்த திரைப்படத்தை யுகே கிரியேசன்ஸ் நிறுவனம் சார்பில் தயாரிப்பாளர் கே. பாலாஜி தயாரித்திருக்கிறார்.

இந்தத் திரைப்படத்தின் பணிகள் நிறைவடைந்து வெளியீட்டிற்காக காத்திருக்கிறது. இந்நிலையில் இப்படத்தில் இடம்பெற்ற ‘கால் பாதம் இதுவா தாளமிடுதா ஆடும் மனதா… ‘ எனத் தொடங்கும் பாடலும், பாடலுக்கான லிரிக்கல் வீடியோவும் வெளியிடப்பட்டிருக்கிறது.

இந்த பாடலை பாடலாசிரியர் அஹ்மத் ஷ்யாம் எழுத, பின்னணி பாடகர் ஆனந்த் அரவிந்தாக்சன் மற்றும் பின்னணி பாடகி ஸ்வர சுரேஷ் ஆகியோர் இணைந்து பாடி இருக்கிறார்கள். பாடலின் மெட்டு -வரிகள் -பின்னணி குரல் -பாடலுக்கான காட்சிகள்- ஆகியவை ரசிகர்களை வெகுவாக கவர்ந்திருப்பதால்… இந்த பாடல் வரவேற்பை பெற்று வருகிறது.

The post நடிகர் உதய் கார்த்திக் நடிக்கும் ‘ஃபேமிலி படம்’ எனும் திரைப்படத்தின் புதிய பாடல் வெளியீடு appeared first on Vanakkam London.