4
கவர்ச்சி நடிகையான ‘பிக் பொஸ் புகழ் நடிகை யாஷிகா ஆனந்த் கதையின் நாயகியாக முதன்மையான வேடத்தில் நடிக்கும் பெயரிடப்படாத திரைப்படத்தின் தொடக்க விழா சென்னையில் சிறப்பாக நடைபெற்றது.
இயக்குநர் எம். ஏ. பாலா இயக்கத்தில் உருவாகும் பெயரிடப்படாத திரைப்படத்தில் அறிமுக நடிகர் ராம் பிரசாத் கதையின் நாயகனாகவும், நடிகை யாஷிகா ஆனந்த் கதையின் நாயகியாகவும் நடிக்கிறார்கள்.
டேவிட் பாஸ்கர் ஒளிப்பதிவு செய்யும் இந்த திரைப்படத்திற்கு ஆர். விபின் இசையமைக்கிறார்.
மிஸ்டரி திரில்லர் ஜேனரிலான இந்த திரைப்படத்தை ட்விங்கிள் லேப்ஸ் புரொடக்ஷன்ஸ் நிறுவனம் சார்பில் இயக்குநர் எம். ஏ. பாலா தயாரிக்கிறார்.
இப்படத்தின் படப்பிடிப்பு பணிகள் விறுவிறுப்பாக நடைபெற்று வருகிறது. இந்தத் திரைப்படத்தில் கதையின் நாயகனும், கதையின் நாயகியும் வைத்தியர்கள் கதாபாத்திரத்தில் நடிக்கிறார்கள் என்றும், விரைவில் படத்தின் டைட்டில் மற்றும் பர்ஸ்ட் லுக் வெளியிடப்படும் என்றும் படக் குழுவினர் தெரிவித்துள்ளனர்.
