ஆனால், நீங்கள் குளிக்கும்போது பாடுபவராக இருந்தாலும், மழையில் நடனமாடும் நபராக இருந்தாலும் அல்லது சற்று கடினமான மனமும் அவநம்பிக்கையான ஆளுமை கொண்டவராக இருந்தாலும், ‘மகிழ்ச்சி’ என்ற எண்ணம் ஏற்படும் என்று சொல்லமுடியாது.

நம் வாழ்வில் மகிழ்ச்சியைக் கொண்டுவர நாம் அனைவரும் நம் பழக்கங்களை மாற்றிக்கொள்ள வேண்டியிருக்கலாம்.

எனவே, 2025 இல் நீங்கள் மகிழ்ச்சியாக இருக்க பயனுள்ள சில குறிப்புகளை இங்கே பெறமுடியும்.

நட்பு எல்லா வயதினருக்கும் பயனளிக்கிறது. ஆனால், முதிர்வயதில் அது மகிழ்ச்சியின் முக்கிய ஆதாரமாக மாறக்கூடும்.

வயதானவர்கள் தங்களுக்கு நன்கு தெரிந்தவர்களுடன் நேரத்தை செலவிடுவதற்காக தங்கள் சமூக உறவுகளை மட்டுப்படுத்த முனைகிறார்கள். புதிய நட்பை உருவாக்கிக்கொள்ள தயாராக இருப்பது ஒரு நல்ல யோசனை என்று ஆராய்ச்சியாளர்கள் கூறுகிறார்கள். ஏனென்றால், உறவுடன் கூடவே வேறு நன்மைகளும் இதன்மூலம் கிடைக்கும்.

வேநட்புகளை நாமாக தேடிக்கொள்வதாகவே இருக்கின்றன. இந்த கட்டாயமற்ற உறவுகள் எந்த நேரத்திலும் தொடங்கலாம் அல்லது முடிவடையலாம். அதனால் அவை அதிக சுவாரசியமாகவும் குறைவான மன அழுத்தம் கொண்டதாகவும் இருக்கின்றன.

சுவாரசியமான நிகழ்வுகளை தொடர்ந்து எதிர்நோக்குவது நமக்கு அதிக நம்பிக்கையான கண்ணோட்டத்தை அளிக்கும் என்று நம்பப்படுகிறது.

புதிய நபர்களை சந்திப்பதை கடினமாக்கும் தடைகளை வயதானவர்கள் எதிர்கொள்ளக்கூடும். ஆனாலும் நண்பர்களை உருவாக்கிக்கொள்வது அவர்களுக்கு எளிதாகவும் இருக்கலாம். ஏனெனில் வயது கூடும்போது ஆளுமை முதிர்ச்சியடைந்திருப்பதால் சமூக ரீதியாக எளிதில் இணையும் திறனை அவர்கள் பெற்றுள்ளனர். வாழ்க்கையைப் பற்றிய கண்ணோட்டம் விரிந்துள்ளது. எனவே, அதிக மகிழ்ச்சி கிடைக்கிறது.

வயதாகும்போது தரமான நட்பைப் பேணும் முயற்சி சிறந்தது. ஏனெனில், இதன் நன்மைகள் உளவியல் நல்வாழ்வைத் தாண்டியதாக உள்ளன.

இது, நமது அறிவாற்றல் செயல்பாடு மற்றும் உடல் ஆரோக்கியத்தையும் மேம்படுத்துகிறது.

உண்மையில் நமக்கு வயதாகும்போது நல்ல மன ஆரோக்கியத்தை பராமரிப்பதில், குடும்பத்தைப் போலவே நட்பும் ஒரு முக்கிய காரணியாக இருப்பதை ஆராய்ச்சிகள் மீண்டும் மீண்டும் சுட்டிக்காட்டுகின்றன.

நீங்கள் நண்பர்களை உருவாக்கிக்கொள்வதில் சிரமத்தை எதிர்கொள்பவராக இருந்தால் அதில் உதவக்கூடிய சில ஆலோசனைகள் இதோ. கடந்த ஆண்டு அமெரிக்கா முழுவதும் முழு சூரிய கிரகணத்தைப் பார்த்து மகிழ்ந்தது போன்ற அர்த்தமுள்ள தருணங்களை நீங்கள் பகிர்ந்துகொள்ளலாம். உங்களைச் சுற்றியுள்ளவர்களுடன் நெருக்கமாக உணரவும், நேர்மறையான உணர்ச்சிகளைப் பகிர்ந்துகொள்ளவும் இது ஒரு வழியாகும்.

இரக்கம் என்பது உண்மையான நட்பின் நன்கு நிறுவப்பட்ட தூண்.

“பகிரப்பட்ட வலி” என்ற பொருள்படும் லத்தீன் வார்த்தையிலிருந்து வந்த இந்த வார்த்தை, நம் நண்பர்களுக்கு உதவி தேவைப்படும்போது வலுவான தொடர்புகளை உருவாக்க இரக்க குணம் உதவுகிறது என்பதைக் காட்டுகிறது.

ஆனால், அதற்கு நேர்மாறான உணர்ச்சி நிலை ஒன்று உள்ளது. அனைவராலும் குறைவாக அறியப்பட்ட ஆனால் முக்கியமான ஒன்று அது. அதுதான் “பகிரப்பட்ட மகிழ்ச்சி”.

இது நல்லுறவுகளில் குறைத்து மதிப்பிடப்படும் அம்சமாகும். இது நட்பைப் பேணுவதற்கு இரக்கத்தைப் போலவே முக்கியமானதாக இருக்கலாம் என்று பல ஆய்வுகள் தெரிவிக்கின்றன.

நமது நண்பர்களின் நல்ல செய்தியை ஆர்வத்துடன் ஆதரிப்பதும், அதைப் பற்றி கேட்பதும், ஒரு நல்ல நண்பராக இருப்பதற்கான அடித்தளமாகும். உங்கள் நண்பரின் வெற்றியை உற்சாகமாக வரவேற்காமல் இருப்பது அல்லது பாராட்டாமல் இருப்பது அந்த உறவுகளை ஆபத்தில் ஆழ்த்தக்கூடும்.