“வெள்ளை பந்து வடிவத்தில் மற்ற நாடுகளுக்கு உள்ள பிரச்னை என்னவெனில், இந்திய அணியின் தற்போதைய அணியைப் போலவே மற்றுமொரு அணி எந்த நேரத்திலும் விளையாடத் தயாராக உள்ளது. என் பார்வையில், சாம்பியன்ஸ் டிராபி இந்தியாவுக்கு சொந்தமானது” என்று முன்னாள் இங்கிலாந்து கேப்டன் மைக்கேல் வாகன் புதன்கிழமை தனது எக்ஸ் பக்கத்தில் பதிவிட்டார்.

வயதும், மாற்றுத் தேர்வாக இளைய கிரிக்கெட் வீரர்கள் இருப்பதும் மூத்த வீரர்களுக்கு இந்திய கிரிக்கெட் அணியில் ஒரு சவாலாக மாறியுள்ளது. அணியில் மாற்றம் வருவதற்காக ஒரு தலைமுறை முழுவதும் காத்திருக்கிறது என்பது தெளிவாகப் காணப்படுகிறது.

அந்த வரிசையில் ரோஹித் சர்மா, விராட் கோலி ஆகியோரின் பெயர்கள் இல்லை. ஆனால் ரவீந்திர ஜடேஜாவும் முகமது ஷமியும் இதில் சேர்க்கப்பட்டுள்ளனர்.

ரோஹித் சர்மாவின் பயிற்சியாளர் தினேஷ் லாட் கூறுகையில், “ரோஹித் நிச்சயமாக 2027 உலகக் கோப்பையில் விளையாட விரும்புவார் என்று நான் நம்புகிறேன். அவர் ஒரு முறை உலகக் கோப்பையை வெல்ல விரும்புவார்.

தற்போது அவரது ஆட்டத்தில் எந்தக் குறையும் இல்லை. இதன் பொருள் அவர் அதிக ஒருநாள் போட்டிகளில் விளையாட விரும்புகிறார். ஆம், அவர் முன்பைவிட மிகவும் எச்சரிக்கையாக விளையாடுகிறார்” என்றார்.

ரோஹித் இதைச் செய்ய மாட்டார் என்று தினேஷ் லாட் நம்புகிறார். “ரோஹித், விமர்சனங்களுக்கு அஞ்சி ஆட்டத்தை விட்டு வெளியேறும் நபர் இல்லை. அவர் ஒரு போராளி. அவர் இப்போது அதிக ரன்களை எடுத்து வருகிறார். முதல் பத்து ஓவர்களில் அவரது பங்களிப்பு பயனுள்ளது என நிரூபிக்கப்பட்டுள்ளது.

அவர் தனது ஆட்டத்தில் என்ன மாற்றங்களைச் செய்திருந்தாலும், அணியின் நலனை மனதில் கொண்டு அதைச் செய்துள்ளார். அவர் இன்னும் அணியின் ஒரு பகுதியாக இருக்க விரும்புகிறார் என்பது தெளிவாகிறது” என்று அவர் தெரிவித்தார்.