வருமான வரி கணக்கு தாக்கல் செய்வது மற்றும் பான் கார்டுகள் பற்றிய சில முக்கியமான கேள்விகளுக்குப் பதிலளிக்க, பட்டயக் கணக்காளர் மற்றும் வரி நிபுணர் கரீம் லக்கானியுடன் பிபிசி பேசியது.

உங்கள் மொத்த வருமானம் ‘அடிப்படை விலக்கு வரம்பை’ மீறினால், நீங்கள் வருமான வரிக் கணக்கைத் தாக்கல் செய்ய வேண்டும் என்று குறிப்பிடுகிறார் கரீம் லக்கானி.

அதாவது, பொது வரி செலுத்துவோர் (60 வயதுக்கு உட்பட்டவர்கள்) ஆண்டு வருமானம் ரூ.2.50 லட்சம் மேல் இருந்தால், மூத்த குடிமக்களின் (60 முதல் 80 வயது) ஆண்டு வருமானம் ரூ.3 லட்சம் மேல் இருந்தால், மிக மூத்த குடிமக்கள் (80 வயதுக்கு மேல்) ஆண்டு வருமானம் ரூ.5 லட்சம் மேல் இருந்தால் வருமான வரி தாக்கல் செய்வது கட்டாயம்.

மேலும், மொத்த வருமானம் (பிரிவு 80 இன் கீழ் விலக்குகளை கழிப்பதற்கு முன்) மேற்கண்ட விலக்கு வரம்பை மீறினால், வருமான அறிக்கையை தாக்கல் செய்ய வேண்டும்.

கூடுதலாக, ஒவ்வொரு நிறுவனமும் லாபம் ஈட்டியிருந்தாலும் சரி, நஷ்டம் அடைந்திருந்தாலும் சரி, ஐடி ரிட்டர்ன்ஸை தாக்கல் செய்வது கட்டாயமாகும்.

இதேபோல், வேறு சில சூழ்நிலைகளிலும் நீங்கள் வருமான வரி கணக்கை தாக்கல் செய்ய வேண்டும். அவை பின்வருமாறு,

உங்கள் வருமானம் அடிப்படை விலக்கு வரம்பை விடக் குறைவாக இருந்தாலும், கீழ்க்கண்ட சூழ்நிலைகளில் நீங்கள் வருமான வரி கணக்கை தாக்கல் செய்ய வேண்டும்.

கணக்குகளைத் தணிக்கை செய்யத் தேவையில்லாத தனிநபர்கள் அல்லது நிறுவனங்களுக்கு, ஐடி வருமானத்தை தாக்கல் செய்வதற்கான கடைசி தேதியை தாண்டியால் என்னவாகும்?

உங்களிடம் பான் கார்டு இருப்பதால் மட்டும் வருமான வரி கணக்கைத் தாக்கல் செய்ய வேண்டும் என கட்டாயமில்லை. அது உங்கள் மொத்த வருமானம் மற்றும் சில சிறப்பு காரணிகளை பொறுத்தது.

உதாரணமாக, மேலே குறிப்பிட்டபடி:

“நீங்கள் வருமான வரி கணக்கைத் தாக்கல் செய்யத் தொடங்கியிருந்தாலும், ஒவ்வொரு ஆண்டும் வருமான வரி தாக்கல் செய்வது கட்டாயமில்லை”என்று கரீம் லக்கானி கூறுகிறார்.

அதாவது, ” ஒரு வருடத்தில் உங்கள் மொத்த வருமானம் அடிப்படை விலக்கு வரம்பை விடக் குறைவாக இருந்தால், அந்த ஆண்டிற்கான வருமான வரி கணக்கைத் தாக்கல் செய்ய வேண்டிய அவசியமில்லை.”

“உதாரணமாக 2023–24 மதிப்பீட்டு ஆண்டில் உங்கள் வருமானம் ரூ.3 லட்சமாக இருந்தால் வருமான வரிக் கணக்கைத் தாக்கல் செய்திருப்பீர்கள். ஆனால் 2024–25 மதிப்பீட்டு ஆண்டில் உங்கள் வருமானம் ரூ.2 லட்ச ரூபாயாகக் குறைந்து, அப்போது வருமான வரிக் கணக்கு தாக்கல் செய்வதை கட்டாயமாக்கும் எந்த நிபந்தனையும் பூர்த்தி செய்யவில்லை என்றால், அந்த ஆண்டில் வருமான வரி தாக்கல் செய்ய வேண்டிய அவசியமில்லை.”

ஆனால், முறையாக வருமான வரி கணக்கைத் தாக்கல் செய்வது நல்லது என்று லக்கானி அறிவுறுத்துகிறார்

இது, நிதி மேலாண்மையைப் பேணுவதோடு எதிர்காலத்தில் கடன்களைப் பெறுவதையும் எளிதாக்கும்.

இது தவிர, உங்களுக்கு வரி பிடித்தம் செய்யப்பட்டிருந்தாலும் மொத்த வருமானம் வரிக்கு உட்பட்டதாக இல்லாவிட்டால், ரீஃபண்ட் பெற விண்ணப்பிக்கலாம்.

ஒருமுறை வரியை திரும்பப் பெற வருமான வரி தாக்கல் செய்யத் தொடங்கினால், ஒவ்வொரு ஆண்டும் வரியை திரும்பப் பெறுவதற்கு வருமான வரி கணக்கைத் தாக்கல் செய்ய வேண்டியிருக்கும்.

அதேபோல், உங்கள் வருமானம் விலக்கு வரம்பை விடக் குறைவாக இருந்தாலும், எதிர்கால ஆண்டுகளில் வணிக இழப்புகளை ஈடுசெய்ய ஒவ்வொரு ஆண்டும் வருமான வரி கணக்கைத் தாக்கல் செய்ய வேண்டும்.

ஒரு நபருக்கு ஒரு வருடத்தில் வருமானம் இல்லாததால் வருமான வரி கணக்கு தாக்கல் செய்யப்படவில்லை என்றாலும், அடுத்த ஆண்டு அவர் மீண்டும் வருமான வரி கணக்கைத் தாக்கல் செய்யலாம்.

வருமான வரிக் கணக்கு தாக்கல் செய்வதற்கான கடமை, ஓய்வு பெறுவது அல்லது வேலையை விட்டு வெளியேறுவதுடன் மட்டும் முடிவதில்லை.

ஒரு நபர் ஓய்வு பெற்ற பிறகும் அல்லது வேலை செய்வதை நிறுத்திய பிறகும் அவர் வருமான வரி கணக்கைத் தாக்கல் செய்ய வேண்டுமா இல்லையா என்பது சில விஷயங்களைப் பொறுத்தது.

1. வருமானம்

2. ஓய்வூதியம்

3. வங்கி பரிவர்த்தனைகள்

4. வரி திரும்பப்பெறுதல் (Refund) :

வருமான வரி நிபுணர்கள் வருமான வரி கணக்கை (ITR) முறையாகவும் காலக்கெடுவிற்குள்ளும் தாக்கல் செய்ய அறிவுறுத்துகிறார்கள். இதற்கான பல காரணங்கள் உள்ளன:

வழக்கமான வருமான வரி கணக்கைத் தாக்கல் செய்வதில் நன்மைகள் உள்ளன, அதே நேரத்தில் அதனைத் தாக்கல் செய்யாமல் இருப்பதில் சில தீமைகளும் உள்ளன.

எடுத்துக்காட்டாக,

வருமான வரி கணக்கு தாக்கல் மற்றும் பான் கார்டுகள் தொடர்பாக வரி செலுத்துவோரிடம் பல தவறான கருத்துக்கள் உள்ளன.

சி.ஏ. கரீம் லக்கானி இந்த தவறான கருத்துக்களில் சிலவற்றை பட்டியலிட்டுள்ளார்.

தவறான கருத்து: நிறுவனம் வரி கழித்திருந்தால், வருமான வரி தாக்கல் செய்ய வேண்டிய அவசியமில்லை.

உண்மை: உங்கள் மொத்த வருமானம் அடிப்படை விலக்கு வரம்பை விட அதிகமாக இருந்தால், வரி கழிக்கப்பட்டிருந்தாலும் கூட, வருமான வரி கணக்கை தாக்கல் செய்வது கட்டாயமாகும்.

தவறான கருத்து: எனது வருமானம் வரிக்கு உட்பட்டது அல்ல, எனவே நான் வருமான வரி தாக்கல் செய்ய வேண்டியதில்லை.

உண்மை: உங்கள் வருமானம் அடிப்படை விலக்கு வரம்பை விடக் குறைவாக இருந்தால், பொதுவாக வருமான வரி கணக்கு தாக்கல் செய்ய வேண்டிய அவசியமில்லை,

ஆனால் மேலே குறிப்பிட்டுள்ளபடி, வங்கி பரிவர்த்தனைகள், வெளிநாட்டுப் பயணம் போன்ற பெரிய செலவுகள் இருந்தால் வருமான வரி கணக்கு தாக்கல் செய்வது அவசியம்.

தவறான கருத்து: சம்பளம் வாங்குபவர்கள் மட்டுமே வருமான வரி தாக்கல் செய்ய வேண்டும்.

உண்மை: மொத்த வருமானம் விலக்கு வரம்பை மீறும் எவரும், அவர்கள் சுயதொழில் செய்பவராக இருந்தாலும், அல்லது வணிகம் செய்பவராக இருந்தாலும், வருமான வரி கணக்கு தாக்கல் செய்ய வேண்டும்.

தவறான கருத்து: வருமான வரி கணக்கு தாக்கல் செய்வது மிகவும் சிக்கலான மற்றும் அதிக நேரம் செலவிட வேண்டிய பணி

உண்மை: வருமான வரி தாக்கல் செய்யும் செயல்முறை இப்போது இணையதளத்திலே உள்ளது, மேலும் மிகவும் எளிதானது.

தவறான கருத்து: பரிசுகளுக்கு வரி இல்லை, எனவே அவற்றை வருமான வரிக் குறிப்பில் காட்ட வேண்டிய அவசியமில்லை.

உண்மை: சில உறவினர்களிடமிருந்து பெறப்படும் பரிசுகளுக்கு மட்டுமே வரி விலக்கு உண்டு. சில பரிசுகளுக்கு வரி விதிக்கப்படும், மேலும் அவை வருமான வரித் தாக்கல் படிவத்தில் தெரிவிக்கப்பட வேண்டும்

தவறான கருத்து: நீங்கள் வருமான வரி தாக்கல் செய்யத் தொடங்கியதும், ஒவ்வொரு ஆண்டும் அவற்றை தாக்கல் செய்ய வேண்டும்.

உண்மை: ஒரு வருடத்தில் உங்கள் வருமானம் விலக்கு வரம்பை விடக் குறைவாக இருந்தால், வேறு எந்த நிபந்தனைகளும் பூர்த்தி செய்யப்படாவிட்டால், நீங்கள் வருமான வரிக் கணக்கை தாக்கல் செய்ய வேண்டியதில்லை.

ஒரு குழந்தை ஒரு முதலீட்டில் நாமினியாக நியமிக்கப்பட்டு, பெரிய நிதி பரிவர்த்தனைகள் அவரது பெயரில் செய்யப்பட வேண்டுமென்றால், பான் கார்டு அவசியம் என்று நிபுணர்கள் கூறுகிறார்கள்.

கூடுதலாக, ஒன்றுக்கு மேற்பட்ட பான் கார்டுகளை வைத்திருப்பது சட்டவிரோதமானது மேலும் அதற்கு அபராதம் விதிக்கப்படலாம்.

– இது, பிபிசிக்காக கலெக்டிவ் நியூஸ்ரூம் வெளியீடு