1

இசையமைப்பாளரும், முன்னணி நட்சத்திர நடிகருமான விஜய் அண்டனி நடிக்கும் புதிய படத்திற்கு ‘ககன மார்கன்’ என பெயரிடப்பட்டு, அதன் ஃபர்ஸ்ட் லுக் வெளியிடப்பட்டிருக்கிறது.

படத்தொகுப்பாளராக பணியாற்றி வரும் லியோ ஜோன் பால் இயக்கத்தில் உருவாகி வரும் ‘ககன மார்கன்’ திரைப்படத்தில் விஜய் அண்டனி முதன்மையான கதாபாத்திரத்தில் நடிக்கிறார்.

எஸ். யுவா ஒளிப்பதிவு செய்து இருக்கும் இந்த திரைப்படத்திற்கு விஜய் அண்டனி இசையமைத்திருக்கிறார். இந்தத் திரைப்படத்தை விஜய் அண்டனி பிலிம் கொர்ப்பரேஷன் சார்பில் விஜய் அண்டனி மற்றும் மீரா விஜய் அண்டனி ஆகியோர் இணைந்து தயாரித்திருக்கிறார்கள்.

இந்தத் திரைப்படத்தின் படப்பிடிப்பு பணிகள் நடைபெற்று வருகிறது. இந்நிலையில் இப்படத்தின் ஃபர்ஸ்ட் பர்ஸ்ட் லுக் வெளியிடப்பட்டிருக்கிறது. இந்தப் படத்திற்கு ‘ககன மார்கன்’ என பெயரிடப்பட்டிருக்கிறது.

ககன மார்க்கம் என்றால் நிலத்திலிருந்து ஆகாய வெளியில் பறந்து செல்பவன் என பொருள் கொள்ளலாம். இது சித்தர்கள் பாவிக்கும் மார்க்கம் என்பதால் படத்தைப் பற்றிய எதிர்பார்ப்பு அதிகரித்திருக்கிறது.

சில மாதங்களுக்கு முன்  ‘மழை பிடிக்காத மனிதன்’ படத்தினை விளம்பரப்படுத்தும் நிகழ்வு நடைபெறும் போது வித்தியாசமான முகத் தோற்றத்துடன் விஜய் அண்டனி பங்கு பற்றினார்.

அது இந்தப் படத்திற்கான தோற்றம் என்பது தற்போது தெரிய வந்திருப்பதாலும்.. படத்தின் டைட்டில் ‘ககன மார்கன்’ என வித்தியாசமாக இருப்பதாலும்… படத்தைப் பற்றிய எதிர்பார்ப்பு அதிகரித்திருக்கிறது.

இதனிடையே விஜய் அண்டனி நடிப்பில் வெளியான ‘மழை பிடிக்காத மனிதன்’, ‘ஹிட்லர்’ ஆகிய படங்கள் பரிய வெற்றியைப் பெறாததால், வணிக ரீதியிலான வெற்றியை வழங்க வேண்டிய கட்டாயத்தில் அவர் இருக்கிறார் என்பதும், அவர் நடிப்பில் தயாரான  சில படங்கள் ( அக்னி சிறகுகள், வள்ளி மயில் …) போதுமான வணிகம் இல்லாததால் உரிய தருணத்தில் பட மாளிகையில் வெளியாகவில்லை என்பதும், அதன் வெளியீட்டிற்காக காத்திருக்காமல், தன் சந்தை மதிப்பை தக்கவைத்துக் கொள்ள சொந்த பட நிறுவனத்தின் மூலம் இந்த படத்தை தயாரித்து, வெளியிடதிட்டமிட்டு வருகிறார் என்பதும் குறிப்பிடத்தக்கது.