5

எதிர்வரும் 27 ஆம் திகதி முதல் ஜியோ ஹாட் ஸ்டார் டிஜிட்டல் தளத்தில் ஒளிபரப்பாகும் ‘மக்கள் செல்வன்’ விஜய் சேதுபதி முதன்மையான வேடத்தில் நடித்திருக்கும் ‘முத்து என்கிற காட்டான்’ எனும் இணையத் தொடரின் முன்னோட்டம் வெளியிடப்பட்டுள்ளது.

இயக்குநர் எம். மணிகண்டன் – பி. அஜித் குமார் இணைந்து இயக்கியுள்ள ‘முத்து என்கிற காட்டான்’ இணையத் தொடரில் ‘மக்கள் செல்வன்’ விஜய் சேதுபதி, மிலிந்த் சோமன் ,சுதேவ் நாயர் , சிங்கம் புலி, முத்துக்குமார்,  ரிஷா, ‘அயலி ‘ நட்சத்திரா,  கோடாங்கி வடிவேலு உள்ளிட்ட பலர் நடித்திருக்கிறார்கள்.

மது நீலகண்டன்- என். சண்முகசுந்தர் ஆகியோர் இணைந்து ஒளிப்பதிவு செய்திருக்கும் இந்த இணைய தொடருக்கு ராஜேஷ் முருகேசன் இசையமைத்துள்ளார்.‌

கிரைம் திரில்லர் ஜேனரிலான இந்த இணைய தொடர் தமிழில் மட்டுமல்லாமல் தெலுங்கு , மலையாளம், கன்னடம், மராத்தி, பெங்காலி, இந்தி ஆகிய இந்திய மொழிகளில் ஜியோ ஹாட்ஸ்டார் டிஜிட்டல் தளத்தில் 27ஆம் திகதி முதல் பிரத்யேகமாக வெளியாகிறது.

முன்னோட்டத்தில் இடம் பிடித்திருக்கும் காட்சிகள் இந்த இணையத் தொடரை வெளியான உடன் பார்க்க வேண்டும் என்ற ஆவலை உண்டாக்கி இருக்கிறது.