மேலும் தனது பதிவில், “நாம் அனைவரும் உயரிய நோக்கத்திற்காக முயல வேண்டும். எனக்கு அந்த நோக்கம் என்பது எனது நாட்டை பிரதிநிதித்துவப்படுத்துவதுதான். எனக்கு இந்தியாவிற்காக விளையாடி, வென்று என்னால் முடிந்த வரையில் அணிக்கு சிறப்பான பங்களிப்பைச் செய்ய வேண்டும். என் கவனம் அதில்தான் உள்ளது.” என்றார்.

பலாஷ் முச்சலும் தனது தரப்பில் இன்ஸ்டாகிராம் பக்கத்தில் அறிக்கை ஒன்றை வெளியிட்டுள்ளார்.

“வாழ்க்கையில் அடுத்த விஷயங்களை நோக்கி நகர்ந்து தனிப்பட்ட உறவுகளிலிருந்து விலக நிற்க முடிவு செய்துள்ளேன். எனக்கு மிகவும் புனிதமாக இருந்த ஒன்றைப் பற்றி பரவும் ஆதாரமற்ற வதந்திகள் மீது மக்கள் எளிதாக கருத்து தெரிவிப்பது எனக்கு மிகவும் கடினமாக உள்ளது,” என அதில் குறிப்பிட்டுள்ளார்.

மேலும் தனது பதிவில், “இது எனது வாழ்க்கையின் கடினமான காலகட்டம். எனது நம்பிக்கைகளின் மீது உறுதியாக நின்று அதனை கையாள்வேன். உறுதிசெய்யப்படாத வதந்திகளை அடிப்படையாக வைத்து ஒருவரை மதிப்பிடுவதற்கு முன்பு ஒரு சமூகமாக நாம் நிறுத்தி, யோசிப்போம் என நம்புகிறேன்,” என்றார்.

“நமக்கு புரியாத வழிகளில் கூட நமது வார்த்தைகள் காயப்படுத்தலாம். இவை எல்லாவற்றையும் பற்றி யோசிக்கின்றபோது உலகில் பலரும் கடினமான சூழ்நிலைகளை எதிர்கொள்கிறார்கள் என்பதை நாம் நினைவில் கொள்ள வேண்டும்,” என்றும் தனது பதிவில் தெரிவித்துள்ளார்.

இதோடு தவறான மற்றும் அவதூறான விஷயங்களைப் பரப்புபவர்கள் மீது சட்ட நடவடிக்கை எடுக்கப்படும் எனவும் பலாஷ் தெரிவித்துள்ளார். இந்த கடினமான நேரத்தில் தன்னை ஆதரித்தவர்களுக்கு நன்றியும் தெரிவித்துள்ளார்.

– இது, பிபிசிக்காக கலெக்டிவ் நியூஸ்ரூம் வெளியீடு