• Sun. Aug 31st, 2025

24×7 Live News

Apdin News

17 ஆண்டுகளுக்கு பிறகு வெளியான “slapgate” வீடியோ: ‘லலித் மோதி வெட்கப்பட வேண்டும்’

Byadmin

Aug 31, 2025


ஸ்ரீசாந்த்

பட மூலாதாரம், INSTAGRAM/BHUWANESHWARI SHEESANT

படக்குறிப்பு, மனைவி புவனேஸ்வரியுடன் ஸ்ரீசாந்த்

இந்திய கிரிக்கெட் அணியின் முன்னாள் வேகப்பந்து வீச்சாளர் எஸ்.ஸ்ரீசாந்தின் மனைவி புவனேஸ்வரி, ஐபிஎல் ஆணையத்தின் முன்னாள் தலைவர் லலித் மோதி மற்றும் முன்னாள் ஆஸ்திரேலிய பேட்ஸ்மேன் மைக்கேல் கிளார்க்கை கடுமையாக விமர்சித்துள்ளார்.

அண்மையில் கிரிக்கெட்டர் மைக்கேல் கிளார்க்கின் Beyond23 Cricket Podcast என்ற நிகழ்ச்சியில் கலந்துக் கொண்ட லலித் மோதி, ஸ்ரீசாந்தை ஹர்பஜன் சிங் அடித்த 17 ஆண்டுக்கு முந்தைய “slapgate” வீடியோவைப் பற்றி பேசினார், நிகழ்ச்சியில் அந்த காணொளியும் வெளியிடப்பட்டது.

அந்த வீடியோவில், எதிரணி அணியின் வீரர்களுடன் மைதானத்தில் கைகுலுக்கிக் கொண்டிருக்கும் ஹர்பஜன் சிங், யாரும் எதிர்பாராத விதமாக ஸ்ரீசாந்தை அறைவதையும் காணலாம். அறை வாங்கிய ஸ்ரீசாந்த் அழுதுவிட்டார்.

இந்த சம்பவம் கிரிக்கெட் உலகில் “slapgate” என்று பிரபலமானது. 2008ஆம் ஆண்டு மும்பை இந்தியன்ஸ் (MI) மற்றும் பஞ்சாப் கிங்ஸ் (அப்போது கிங்ஸ் XI பஞ்சாப்) அணிகளுக்கு இடையே நடைபெற்ற ஐபில் போட்டியில் இந்த மோசமான சம்பவம் நடைபெற்றது.

By admin