• Sun. Apr 6th, 2025

24×7 Live News

Apdin News

CSK vs DC: சென்னை அணி மீண்டும் தோல்வி – டெல்லி கேபிடல்ஸ் அபார வெற்றி

Byadmin

Apr 5, 2025


சிஎஸ்கே, டெல்லி கேபிடல்ஸ், ஐபிஎல் 2025 , சென்னை சூப்பர் கிங்ஸ் , எம்எஸ் தோனி

பட மூலாதாரம், Getty Images

ஐபிஎல் தொடரில் இன்று நடைபெற்ற 17வது லீக் போட்டியில் சென்னை மற்றும் டெல்லி கேபிடல்ஸ் அணிகள் மோதின. சென்னை சேப்பாக்கத்தில் நடைபெற்ற போட்டியில் சென்னை அணிக்கு 184 ரன்களை வெற்றி இலக்காக டெல்லி நிர்ணயித்த நிலையில், ஆரம்பம் முதலே அடுத்தடுத்து விக்கெட்டுகளை பறி கொடுத்து சென்னை அணி தடுமாறியது.

10 ஓவர்களில் சென்னை அணி 4 விக்கெட் இழப்புக்கு 69 ரன்கள் சேர்த்தது. 10 ஓவர்கள் முடிவில் விஜய் ஷங்கர் தவிர்த்து வேறு யாருமே 20 ரன்களைத் தாண்டவில்லை. இம்பாக்ட் பிளேயராக களமிறங்கிய ஷிவம் துபே இந்த போட்டியிலும் ஏமாற்றம் அளித்தார். 15 பந்துகளை சந்தித்த அவர் 18 ரன்களை எடுத்து நிகம் பந்து வீச்சில் ஆட்டமிழந்தார்.

சிஎஸ்கே, டெல்லி கேபிடல்ஸ், ஐபிஎல் 2025 , சென்னை சூப்பர் கிங்ஸ் , எம்எஸ் தோனி

பட மூலாதாரம், Getty Images

கடந்த போட்டிகளில் ஆறுதல் அளிக்கும் விதமாக ஆடி வந்த ரவீந்திர ஜடேஜாவும் இந்த போட்டியில் 2 ரன்களில் ஆட்டமிழந்தார். இதனையடுத்து மூத்த வீரர் தோனி களமிறங்கி விளையாடினார்.

விஜய் ஷங்கருடன் தோனி இணைந்து போராடிய நிலையில், நிர்ணயிக்கப்பட்ட இலக்கை எட்ட முடியவில்லை. 20 ஓவர்களில் 5 விக்கெட் இழப்புக்கு 158 ரன்கள் எடுத்த சென்னை அணி, 25 ரன் வித்தியாசத்தில் தோல்வியடைந்தது.

By admin