இருமுறை அவுட் ஆவதிலிருந்து தப்பிய பதோனி ஜடேஜா வீசிய பந்தை இறங்கி வந்து ஆட முயற்சிக்கும் போது, தோனியால் ஸ்டம்பிங் செய்யப்பட்டார்.

இதன் பின்னர் சிஎஸ்கே பந்து வீச்சாளர்கள் கட்டுக்கோப்பாக பந்து வீசி அழுத்தம் ஏற்படுத்தினர். குறிப்பாக நூர் அகமது வீசிய 15வது ஓவரில் 2 ரன்கள் மட்டுமே விட்டுக்கொடுத்தார்.

இக்கட்டான சூழலில் பொறுப்பாக பேட்டிங் செய்த லக்னௌ அணியின் கேப்டன் ரிஷப் பண்ட் அரை சதம் கடந்தார்.

இரண்டுமுறை அவுட் ஆவதிலிந்து தப்பிய ரிஷப் பண்ட் , கடைசி ஓவரில் பதிராணா பந்து வீச்சில் தோனியிடம் கேட்ச் கொடுத்து ஆட்டமிழந்தார். நிர்ணயிக்கப்பட்ட 20 ஓவர்கள் முடிவில் லக்னௌ அணி 7 விக்கெட் இழப்புக்கு 166 ரன்கள் எடுத்தது.

சென்னை அணியில் ரவிச்சந்திரன் அஸ்வின்,டெவோன் கான்வே நீக்கப்பட்டு ஷேக் ரஷீத் மற்றும் ஜேமி ஓவர்டன் சேர்க்கப்பட்டுள்ளனர்.

பிளேயிங் லெவன்: ரச்சின் ரவீந்திரா, ஷேக் ரஷீத், ராகுல் திரிபாதி, ரவீந்திர ஜடேஜா, விஜய் ஷங்கர், ஜேமி ஓவர்ன், எம்எஸ் தோனி, அன்ஷுல் கம்போஜ், நூர் அகமது, கலீல் அகமது, மதீஷா பதிராணா

மார்க்ரம், மிட்செல் மார்ஷ், நிகோலஸ் பூரண், ரிஷப் பண்ட், ஆயுஷ் பதோனி, டேவிட் மில்லர், அப்துல் சமத், திக்வேஷ் ரதி, ஷர்துல் தாக்கூர், ஆகாஷ் தீப், ஆவேஷ் கான்.

“நான் தோனியுடன் அனைத்தையும் ஆலோசிப்பேன். நான் மனம் விட்டுப்பேசக் கூடிய வெகுசிலரில் அவரும் ஒருவர். அவரிடமிருந்து நிறைய கற்றுக் கொண்டேன். தோனியிடம் பகிர்ந்த விஷயங்களை வேறு யாருடனும் நான் பேசியது இல்லை” இது தோனி குறித்து ரிஷப் பண்ட் பேசிய வார்த்தைகள்.

இவ்வாறு குரு-சிஷ்யன் உறவுடை இருவரின் தலைமையில் இரு அணிகளும் இன்று மோதுகின்றன. சென்னை அணியைப் பொருத்தவரையிலும் புள்ளிப்பட்டியலில் கடைசி இடத்தில் உள்ளது. முதல் 6 போட்டிகளில் 1 வெற்றி மட்டுமே பெற்றுள்ளது. ஆனால் லக்னௌ அணி 6 போட்டிகளில் 4 வெற்றிகளுடன் புள்ளிப்பட்டியலில் 4 வது இடத்தில் உள்ளது. அதிலும் கடைசியாக விளையாடிய 3 போட்டிகளிலும் லக்னௌ அணி வென்றுள்ளது. இந்த 3 போட்டிகளிலுமே லக்னௌ பவர்பிளேயில் விக்கெட்டை இழக்கவில்லை.

ஆனால் சென்னை அணி பவர்பிளேயில் தொடர்ந்து தடுமாறி வருகிறது. ஐபிஎல் தொடரின் டாப் 10 பேட்டர்கள் வரிசையில் ஒரு சென்னை வீரர் கூட இல்லை.

-இது, பிபிசிக்காக கலெக்டிவ் நியூஸ்ரூம் வெளியீடு