ஐசிசி டி20 உலகக் கோப்பையில் இங்கிலாந்துக்கு எதிரான அரையிறுதிப் போட்டியில் இங்கிலாந்து அணிக்கு 254 ரன்கள் இலக்காக இந்தியா நிர்ணயித்துள்ளது.
மும்பை வான்கடே மைதானத்தில் நடைபெற்ற இந்தப் போட்டியில் முதலில் பேட்டிங் செய்த இந்தியா 20 ஓவர்களில் 7 விக்கெட் இழப்புக்கு 253 ரன்கள் எடுத்தது.
இந்திய அணியில் சஞ்சு சாம்சன் அதிகபட்சமாக 42 பந்துகளில் 89 ரன்கள் எடுத்தார். இஷான் கிஷன் 39 ரன்களும், சிவம் துபே 43 ரன்களும் எடுத்தனர்.
பட மூலாதாரம், Getty Images
சஞ்சு சாம்சனின் இன்னிங்ஸில் 8 பவுண்டரிகள் மற்றும் 7 சிக்ஸர்கள் அடங்கும். அவரது விக்கெட்டை வில் ஜாக்ஸ் வீழ்த்தினார்.
ஹர்திக் பாண்ட்யா 26 ரன்கள் எடுத்து அணியின் ஸ்கோரை 250 ரன்களுக்கு மேல் கொண்டு செல்வதில் முக்கிய பங்கு வகித்தார்.
இந்திய பேட்ஸ்மேன்களுக்கு எதிராக இங்கிலாந்து பந்து வீச்சாளர்கள் திணறினார்கள். ஆர்ச்சர் நான்கு ஓவர்களில் 69 ரன்கள் விட்டுக்கொடுத்து ஒரு விக்கெட்டை மட்டுமே வீழ்த்தினார்.
இருப்பினும், வில் ஜாக்ஸ் மற்றும் அடில் ரஷித் தலா இரண்டு விக்கெட்டுகளை வீழ்த்தினர்.
பட மூலாதாரம், Getty Images
படக்குறிப்பு, அடில் ரஷித்
சஞ்சு சாம்சன் – இஷான் கிஷன் கூட்டணி
இந்தியா டாஸ் இழந்த நிலையில், சஞ்சு சாம்சன் மற்றும் அபிஷேக் சர்மா ஜோடி ஜோஃப்ரா ஆர்ச்சரின் முதல் ஓவரில் 12 ரன்கள் எடுத்து நல்ல தொடக்கத்தை கொடுக்க முயன்றது.
ஆனால் இரண்டாவது ஓவரின் கடைசி பந்தில், வில் ஜாக்ஸ் அபிஷேக் சர்மாவை ஆட்டமிழக்கச் செய்தார். இதனால் அவரது இன்னிங்ஸை 9 ரன்களுக்கு மேல் நீடிக்கவில்லை.
அபிஷேக் சர்மா விரைவாக அவுட் ஆனபோதும் சஞ்சு சாம்சன் இந்தியாவுக்கு நல்ல தொடக்கத்தை தந்தார்.
சஞ்சு சாம்சனும் இஷான் கிஷனும் ரன் விகிதத்தைப் பாதிக்காமல், அணியின் ஸ்கோரை வெறும் 4.3 ஓவர்களில் 50 ரன்களுக்கு மேல் கொண்டு சென்றனர்.
பவர்பிளேயில் இந்தியா 67 ரன்கள் எடுத்தது. இதற்குப் பிறகும், இரு வீரர்களும் வேகமாக ரன்கள் எடுத்தனர். இதற்கிடையில், சஞ்சு சாம்சன் 26 பந்துகளில் தனது அரைசதத்தை எட்டினார்.
பட மூலாதாரம், Getty Images
சதத்தை தவற விட்ட சஞ்சு
இந்தியாவின் ஸ்கோர் வெறும் 8.3 ஓவர்களில் 100 ரன்களைக் கடந்தது. இருப்பினும், 10வது ஓவரின் மூன்றாவது பந்தில் கிஷன் மற்றும் சஞ்சுவின் பார்ட்னர்ஷிப்பை அடில் ரஷித் முறியடித்தார். கிஷன் 18 பந்துகளில் 39 ரன்கள் எடுத்து ஆட்டமிழந்தார்.
சஞ்சுவும் கிஷனும் இரண்டாவது விக்கெட்டுக்கு 45 பந்துகளில் 97 ரன்கள் சேர்த்தனர். கிஷன் ஆட்டமிழந்த பிறகும், சஞ்சு சாம்சன் மறுமுனையில் இருந்து தொடர்ந்து ரன்கள் எடுத்தார். அவருக்கு சிவம் துபே உறுதுணையாக இருந்தார்.
பட மூலாதாரம், Getty Images
இருப்பினும், இந்த போட்டியிலும் சஞ்சு தனது சதத்தை எட்டத் தவறிவிட்டார், 42 பந்துகளில் 89 ரன்கள் எடுத்தார். அவரது இன்னிங்ஸில் 8 பவுண்டரிகள் மற்றும் 7 சிக்ஸர்கள் அடங்கும்.
சூர்யகுமார் பெரிதாக எதையும் செய்யத் தவறி, 11 ரன்களுக்கு ரஷித் பந்தில் ஸ்டம்பிங் முறையில் ஆட்டமிழந்தார். ரஷித் தனது நான்கு ஓவர்களில் 41 ரன்களுக்கு இரண்டு விக்கெட்டுகளைக் கைப்பற்றினார்.
ரஷித் தனது நான்கு ஓவர்களில் 41 ரன்களுக்கு இரண்டு விக்கெட்டுகளைக் கைப்பற்றினார்.
சஞ்சு சாம்சன் மற்றும் இஷான் கிஷன் வழங்கிய தொடக்கத்தை சிவம் துபே வலுப்படுத்தினார். இருப்பினும், துபே 25 பந்துகளில் 43 ரன்கள் எடுத்து ஆட்டமிழந்தார்.
கடைசி ஓவரில் திலக் வர்மா 7 பந்துகளில் 21 ரன்கள் எடுத்தார், அதில் மூன்று சிக்ஸர்கள் அடங்கும். ஹர்திக் பாண்ட்யா 12 பந்துகளில் 27 ரன்கள் எடுத்தார்.
டாஸ் வென்ற இங்கிலாந்து
இந்த அரையிறுதியில் டாஸ் வென்ற இங்கிலாந்து அணி முதலில் பந்து வீச முடிவு செய்தது.
மும்பை வான்கடே மைதானத்தில் நடைபெறும் இந்தப் போட்டிக்கான இந்திய அணியில் எந்த மாற்றமும் இல்லை. இருப்பினும், இந்தப் போட்டிக்கான இங்கிலாந்து அணியில் ஒரு மாற்றம் செய்யப்பட்டுள்ளது.
இதற்கிடையில், புதன்கிழமை நடைபெற்ற முதல் அரையிறுதியில் தென்னாப்பிரிக்காவை 9 விக்கெட் வித்தியாசத்தில் வீழ்த்தி நியூசிலாந்து இறுதிப் போட்டிக்கு முன்னேறியது.
இன்றைய போட்டியில் இந்தியா மற்றும் இங்கிலாந்து அணிகள் மோதும் எந்த அணி வெற்றி பெறுகிறதோ, அந்த அணி மார்ச் 8 ஆம் தேதி நடைபெறும் இறுதிப் போட்டியில் நியூசிலாந்தை எதிர்கொள்ளும்.
