• Thu. Apr 3rd, 2025

24×7 Live News

Apdin News

LSGvsPBKS: பஞ்சாப் கிங்ஸ் வெற்றிக்கு உதவிய பிரப்சிம்ரன், வதேராவின் அதிரடியில் தடுமாறிய லக்னௌ

Byadmin

Apr 2, 2025


பிரப்சிம்ரன் பவர்! பஞ்சாப் கிங்ஸ் வெற்றி: லக்னெள ஓனர்களை டென்ஷனாக்கும் ரிஷப் பந்த்

பட மூலாதாரம், Getty Images

லக்னெளவில் நேற்று நடந்த ஐபிஎல் டி20 தொடரின் 13வது லீக் ஆட்டத்தில் லக்னெள சூப்பர் ஜெயின்ட்ஸ் அணியை 8 விக்கெட் வித்தியாசத்தில் பஞ்சாப் கிங்ஸ் அணி தோற்கடித்தது.

முதலில் பேட் செய்த லக்னெள அணி 20 ஓவர்களில் 7 விக்கெட் இழப்புக்கு 171 ரன்கள் சேர்த்தது. 172 ரன்கள் சேர்த்தால் வெற்றி எனும் இலக்கோடு களமிறங்கிய பஞ்சாப் கிங்ஸ் அணி 22 பந்துகள் மீதமிருக்கையில் 2 விக்கெட் இழப்புக்கு 177 ரன்கள் சேர்த்து 8 விக்கெட் வித்தியாசத்தில் வென்றது.

பஞ்சாப் அணி 2 போட்டிகளில் விளையாடி 2 வெற்றி, 4 புள்ளிகளுடன் 2வது இடத்தில் இருக்கிறது. லக்னெள அணி 3 போட்டிகளைச் சந்தித்து இரண்டில் தோல்வியடைந்துள்ளது. இரண்டு புள்ளிகளுடன் பட்டியலில் 6வது இடத்தில் இருக்கிறது.

ஆட்டநாயகன் பிரப்சிம்ரன்

பஞ்சாப் கிங்ஸ் அணியின் வெற்றி, பந்துவீச்சிலும், பேட்டிங்கிலும் பவர்ப்ளேவிலேயே முடிவானது. பந்துவீச்சு பவர்ப்ளேவில் லக்னெளவின் டாப் ஆர்டர்கள் உள்பட 3 விக்கெட்டுகளை எடுத்தது, பேட்டிங்கில் பிரப்சிம்ரன் சிங் பவர்ப்ளேவில் வெளுத்து வாங்கி 23 பந்துகளில் அரைசதம் அடித்தது ஆகியவை வெற்றிக்குக் காரணமாகின.

By admin