இன்று நடந்த ஐபிஎல் 2026 4வது போட்டியில் பஞ்சாப் அணி 3 விக்கெட் வித்தியாசத்தில் குஜராத் அணியை வீழ்த்தியது.
பஞ்சாப் அணி வெற்றி பெற குஜராத் டைட்டன்ஸ் அணி 163 ரன்கள் இலக்காக நிர்ணயித்தது.
டாஸ் வென்ற பஞ்சாப் அணி பந்துவீச்சைத் தேர்வு செய்தது.
சாய் சுதர்ஷன் மற்றும் குஜராத் அணியின் கேப்டன் ஷுப்மன் கில் தொடக்க வீரர்களாக களமிறங்கினர். இருவரும் நிதானமாக ஆட்டத்தைத் தொடங்கிய நிலையில் நான்காவது ஓவரில் மார்கோ யான்சனின் பந்துவீச்சில் சாய் சுதர்சன் (11 பந்துகளில், 16 ரன்) ஆட்டமிழந்தார்.
அதன் பிறகு ஜோஸ் பட்லரும் ஷுப்மன் கில்லும் பார்ட்னர்ஷிப் அமைத்து ஆடினர். இருவரும் இணைந்து 35 பந்துகளில் 46 ரன்கள் எடுத்த நிலையில் ஷுப்மன் கில் (27 பந்துகளில் 39 ரன்கள்) ஆட்டமிழந்தார். நான்காவது பேட்டராக களமிறங்கிய க்ளேன் பிலிப்சும் பெரிதாக சோபிக்கவில்லை. ஒரு பவுண்டரி மற்றும் ஒரு சிக்ஸர் விளாசிய பிலிப்ஸ் 17 பந்துகளில் 25 ரன்கள் எடுத்து ஆட்டமிழந்தார்.
பவர்பிளே (1 – 6) ஓவர்களில் 9 ஆக இருந்த ரன்ரேட் 16-வது ஓவரின் முடிவில் 8.1 ஆக சரிந்தது. ஒரு பக்கத்தில் நிலைத்து நின்று விளையாடிய ஜோஸ் பட்லரும் 33 பந்துகளில் 38 ரன்கள் மட்டுமே எடுத்து ஆட்டமிழந்தார். மிடில் ஓவர்களில் சிறப்பாக பந்துவீசிய யுஸ்வேந்திர சஹால் 2 விக்கெட்டுகளை எடுத்து 28 ரன்களை மட்டுமே விட்டுக் கொடுத்தார்.
சிறப்பாக பந்துவீசிய பஞ்சாப் அணியின் மார்கோ யான்சென் 4 ஓவர்களில் 20 ரன்கள் மட்டும் விட்டுக் கொடுத்து 1 விக்கெட் கைப்பற்றினார்.
ஒரு கட்டத்தில் 180 – 190 ரன்கள் வரும் என எதிர்பார்க்கப்பட்ட நிலையில் அடுத்தடுத்த விக்கெட்டுகள் ரன்ரேட்டை வெகுவாக குறைத்தது. குஜராத் பேட்டர்களில் எவருமே 150 ஸ்டிரைக் ரேட்டை தாண்டவில்லை என்பதும் குறிப்பிடத்தக்கது. வாஷிங்டன் சுந்தர் 18 ரன்களும் ஷாருக் கான் 4 ரன்களும் எடுத்து ஆட்டமிழந்த நிலையில் ராகுல் தெவாட்டியா 11 ரன்கள் மட்டுமே எடுத்தார்.
20 ஓவர்கள் முடிவில் குஜராத் அணி 6 விக்கெட்டுகளை இழந்து 162 ரன்கள் எடுத்தது. கடைசி 5 ஓவர்களில் பஞ்சாப் அணி 34 ரன்களை மட்டும் விட்டுக் கொடுத்தது. பஞ்சாப் அணி சார்பில் விஜய்குமார் வைஷாக் அதிகபட்சமாக 3 விக்கெட்டுகள் எடுத்திருந்தார்.
Get in touch
பிரச்னைகளைப் பேசுவோம் – 2 | பெண்கள் பாதுகாப்பு
பஞ்சாப் ஆட்டம் எப்படி?
பஞ்சாப் அணியின் தொடக்க ஆட்டக்காரர்களாக பியான்ஷ் ஆர்யா மற்றும் பிராப்சிம்ரன் களம் இறங்கினர்.
பியான்ஷ் ஆர்யா விரைவாக 8 ரன்களுக்கு ஆட்டமிழக்க, பிராப்சிம்ரன் அதிரடி காட்டினார். அவருடன் கூப்பரும் சேர அணியின் ரன் வேகமாக உயர்ந்தது.
அணியின் ஸ்கோர் 9.3 ஓவர்களில் 83 ஆக இருந்தபோது பிராப்சிம்ரன் 37 ரன்களுக்கு அவுட் ஆனார்.
அடுத்து வந்த கேப்டன் ஸ்ரேயஸ் ஐயர் 2 சிக்ஸர்கள் அடித்த நிலையில் 18 ரன்களுக்கு வெளியேறினார்.
நேகல் வதேரா,ஷஷாங்க் சிங் என அடுத்தடுத்த பேட்ஸ்மேன்கள் சொற்ப ரன்களுக்கு ஆட்டமிழக்க கூப்பர் தனியாக நின்று ரன்களை குவித்தார்.
ஸ்ரேயஸ் ஐயர் அவுட் ஆனபோது அணி 110 ரன்களுக்கு 3 விக்கெட்களை இழந்திருந்து.
ஆனால் 118 ரன்கள் அடிப்பதற்கு அடுத்தடுத்து மேலும் 3 விக்கெட்களை பஞ்சாப் அணி இழந்தது.
பின்னர் மார்கோ ஜென்சன் மட்டும் சிறிது நேரம் களத்தில் இருக்க அவருடன் 26 ரன்கள் பார்ட்னர்ஷிப் அமைத்தார் கூப்பர்.
அடுத்து களம் இறங்கிய சேவியர் பார்ட்லேட் உடன் இணைந்த கூப்பர் அணியை வெற்றிக்கு அழைத்துச் சென்றார். பஞ்சாப் அணி 3 விக்கெட் வித்தியாசத்தில் வெற்றி பெற்றது
கூப்பர் கடைசி வரை ஆட்டமிழக்காமல் 44 பந்துகளில் 72 ரன்களை குவித்தார். அதில் 5 சிக்ஸர், 5 ஃபோர் அடங்கும்.
