അമ്മ പൊട്ടിയാണെന്ന് മകള് ശിവാംഗിക്ക് ഇന്റര്വ്യൂവില് തുറന്നടിക്കാന് മടിയില്ല. മകളുടെ ഈ വാക്ക് കേട്ട്, അയ്യോ, അങ്ങിനെ പറയല്ലേ, വല്ലവരും കേട്ടാല് എന്ത് വിചാരിക്കും എന്ന് സംഗീതജ്ഞ ബിന്നി കൃഷ്ണുകുമാര്. ഇവളെ വെച്ച് ഇന്റര്വ്യൂ ചെയ്താല് എന്റെ എല്ലാം പോകുമെന്നും ബിന്നി കൃഷ്ണകുമാര് പറയും. അതെ, അമ്മയുടെയും മകളുടെയും ഈ യൂട്യൂബ് അനുഭവങ്ങള് കുടുകുടെ ചിരിപ്പിക്കുന്നവയാണ്.
എന്തായാലും കര്ണ്ണാടക സംഗീതജ്ഞരായ ബിന്നി കൃഷ്ണകുമാര്- കൃഷ്ണകുമാര് ദമ്പതികളുടെ മകള് ഇന്ന് എല്ലാ വേദികളിലും തിളങ്ങുന്ന താരമാണ്. സമൂഹമാധ്യമങ്ങളിലെ സൂപ്പര് സ്റ്റാറാണ്. ശിവാംഗിയുടെ പ്രത്യേകത. വളച്ചുകെട്ടില്ലാതെ, എന്തുസത്യവും അതുപോലെ തുറന്നടിച്ചു പറയുക എന്നതാണ്. അപ്പോള് അത് വലിയ നര്മ്മമായി മാറും. ശിവാംഗിയുടെ ഇത്തരം സംഭാഷണങ്ങള് പലതും ഇന്ന് സമൂഹമാധ്യമങ്ങളില് വൈറലാണ്. അതോടെ വൈറല് ഗേളായി മാറിയ ശിവാംഗി ഇന്ന് ദക്ഷിണേന്ത്യയിലെ പല പരിപാടികളിലും മുഖ്യാതിഥിയാണ്. ഇന്സ്റ്റഗ്രാമിലും ഫെയ്സ്ബുക്കിലും യുട്യൂബിലും വൈറല് ഗേളായ ശിവാംഗി സമ്പാദിക്കുന്നതും കോടികള്. ഈയിടെയാണ് ശിവാംഗി ഒരു മെഴ്സിഡിസ് ബെന്സ് കാര് വാങ്ങിയിരുന്നു.
ശിവാംഗിയുടെ കുക്ക് വിത് കോമാളി എന്ന സൂര്യ ടിവിയിലെ പരിപാടി സൂപ്പര് ഹിറ്റായതോടെയാണ് ശിവാംഗി അറിയപ്പെടാന് തുടങ്ങിയത്. ഇന്ന് തമിഴ്നാട്ടില് വലിയ കര്ണാടിക് സംഗീതജ്ഞരായ കൃഷ്ണകുമാറിനെയും ബിന്നി കൃഷ്ണകുമാറിനെയും പ്രശസ്തിയുടെ കാര്യത്തില് ബഹുദൂരം പിന്നിലാക്കിയിരിക്കുന്നു ശിവാംഗി. തന്റെ ജീവിതത്തിലെ വലിയൊരു സ്വപ്നം സാധ്യമാക്കിയിരിക്കുകയാണെന്നാണ് ശിവാംഗിയുടെ പ്രതികരണം. അപ്പയും അമ്മയും ഇപ്പോള് ശിവാംഗിയുടെ അപ്പ, ശിവാംഗിയുടെ അമ്മ എന്ന് അറിയപ്പെടണം എന്ന ആഗ്രഹം ശിവാംഗിക്കുണ്ടായിരുന്നു. അത് സാധ്യമായിരിക്കുകയാണ്.