അമ്മയെ നന്നായി നോക്കുന്ന ഭാര്യയ്‌ക്ക് വേണ്ടിയാണ് ഗ്ലാമറസ് നടി സമീറ റെഡ്ഡിയുമായുള്ള പ്രണയം ഉപേക്ഷിച്ചതെന്ന വെളിപ്പെടുത്തല്‍ നടത്തിയ ജൂനിയര്‍ എന്‍ടിആര്‍. പണ്ട് ഗോസിപ്പ് കോളങ്ങളില്‍ ജൂനിയര്‍ എന്‍ടിആറിന്റെയും സമീറ റെഡ്ഡിയുടെയും പേര് നിറഞ്ഞുനിന്നിരുന്നു. നരസിംഹുഡു, അശോക്, അശോക് ദ ലയണ്‍ തുടങ്ങിയ പല ബിഗ് ബജറ്റ് സിനിമകളിലും ജൂനിയര്‍ എന്‍ടിആറും സമീറ റെഡ്ഡിയും ഒന്നിച്ച് അഭിനയിച്ചിരുന്നു. എന്നാല്‍ ഇവരുടെ പ്രണയ ബന്ധം പൊടുന്നനെ തകര്‍ന്നുപോയി.
ഈയിടെ സമീറുമായുള്ള പ്രണയത്തെ കുറിച്ച് മനസ്സ് തുറന്ന ജൂനിയര്‍ എന്‍ടിആര്‍ അമ്മയെ നന്നായി പരിചരിക്കുന്ന പെണ്ണിനെ കെട്ടാനാണ് സമറയുമായുള്ള പ്രണയം പിരിഞ്ഞതെന്ന് വ്യക്തമാക്കുകയായിരുന്നു. ടീനേജ് കാലത്തെ ഒരു അബദ്ധം പോലെയാണ് ഇപ്പോള്‍ സമറയുമായുള്ള ആ പ്രണയത്തെ എന്‍ടിആര്‍ വിശേഷിപ്പിത്തുന്നത്.
സമീറയുമായുള്ള വിവാഹം ശരിയാവില്ലെന്ന് കുറച്ചുകഴിഞ്ഞപ്പോള്‍ മനസ്ലിലായി. അതോടെ അത് ഉപേക്ഷിച്ചു. എന്റെ അമ്മയെ നന്നായി പരിചരിക്കുന്ന ആളെ കല്യാണം കഴിക്കണമെന്ന് ഞാന്‍ തീരുമാനിച്ചു. അങ്ങനെയാണ് ലക്ഷ്മി പ്രണതി ജീവിതത്തിലേക്ക് കടന്ന് വന്നത്. ലക്ഷ്മി പ്രണതി അമ്മയെ നന്നായി പരിപാലിക്കുമെന്ന് ഞാന്‍ വിശ്വസിച്ചു.അമ്മയോടുള്ള സ്‌നേഹം കാരണം മുതിര്‍ന്നവര്‍ പറഞ്ഞുറപ്പിച്ച പെണ്‍കുട്ടിയെയാണ് ഞാന്‍ വിവാഹം കഴിച്ചത്. – ജൂനിയര്‍ എന്‍ടിആര്‍ പറയുന്നു.