ന്യൂദല്ഹി: ആസിഡിന്റെ ചില്ലറ വില്പ്പന നിരോധിക്കണമെന്നാവശ്യപ്പെടുന്ന ഹര്ജിയില് തീരുമാനമറിയിക്കണമെന്ന് കേന്ദ്രസര്ക്കാരിനോട് സുപ്രീം കോടതി നിര്ദേശിച്ചു. ചില്ലറ വില്പ്പന പൂര്ണ്ണമായും നിരോധിക്കണോ അതോ കര്ശനമായ മാനദണ്ഡങ്ങള്ക്ക് കീഴില് മാത്രം അനുവദിക്കണോ എന്നത് കേന്ദ്ര സര്ക്കാര് അറിയിക്കണം.
ആസിഡ് ആക്രമണങ്ങളില് ആശങ്ക പ്രകടിപ്പിച്ച് കോടതി മുന്പ് പുറപ്പെടുവിച്ച നിര്ദ്ദേശങ്ങള്ക്ക് വിരുദ്ധമായി ആസിഡ് ഇപ്പൊഴും എളുപ്പത്തില് ലഭ്യമാകുന്നുവെന്ന് ഹര്ജിക്കാര് ചൂണ്ടിക്കാട്ടി. ആസിഡ് ആക്രമണത്തിന് ഇരയായവര്ക്കായി പുനരധിവാസ പദ്ധതികള് ആവിഷ്കരിക്കാനും ആറ് ആഴ്ചയ്ക്കുള്ളില് അവരുടെ വിവരങ്ങള് സമര്പ്പിക്കാനും ചീഫ് ജസ്റ്റിസ് സൂര്യകാന്ത് ഉള്പ്പെട്ട ബെഞ്ച് നിര്ദ്ദേശിച്ചു.
ചില്ലറ വില്പ്പന നിരോധിക്കണമെന്നും വ്യാവസായിക വില്പ്പന തുടരണമെന്നും ആവശ്യപ്പെട്ടാണ് ഹര്ജി നല്കിയിരിക്കുന്നത്.