ന്യൂദല്ഹി കൂടുതല് ഡോളര് ആകര്ഷിക്കുക എന്നതിന്റെ അടിസ്ഥാനത്തില് ഇന്ത്യ ഈയിടെ 10000 കോടി ഡോളര് വിദേശനിക്ഷേപമായി എത്തിച്ചിരുന്നു. എഫ് സിആര് (എന്) എന്ന വിഭാഗത്തില്പെടുത്തിയാണ് ഈ നിക്ഷേപം ഇന്ത്യയില് എത്തിയത്. റിസര്വ്വ് ബാങ്ക് ഇതിന് ആകര്ഷകമായ വാഗ്ദാനങ്ങളും നല്കിയിരുന്നു.
പക്ഷെ ഇത്രയ്ക്ക് വലിയ വിദേശനാണ്യനിക്ഷേപം എത്തിച്ചിട്ടും ഡോളറിനെതിരായ ഇന്ത്യന്രൂപയുടെ മൂല്യം ഉയരാത്തതില് ആശങ്ക ഉയരുന്നു. രൂപയുടെ മൂല്യം വര്ധിക്കാത്തിന് പിന്നില് ഗൂഢാലോചനയുണ്ടോ എന്നും സംശയിക്കുന്നു.
ഇക്കഴിഞ്ഞ മാസങ്ങളില് 99 രൂപയിലേക്ക് വരെ കൂപ്പുകുത്തിയ ഇന്ത്യന് രൂപ ഈയിടെയാണ് കരകയറി ഒരു ഡോളറിന് 95 രൂപ 31 പൈസയിലേക്ക് എത്തിയത്. എന്നാല് ഇത്രയ്ക്കധികം വിദേശനാണ്യ നിക്ഷേപം എത്തുമ്പോള് രൂപയുടെ മൂല്യം ഇതിനേക്കാള് ഉയരേണ്ടതാണ്. അത് ഉണ്ടാകുന്നില്ല എന്നതില് കടുത്ത ആശങ്ക നിലനില്ക്കുന്നു.