തിരുവനന്തപുരം: രണ്ട് മാസത്തെ അവധിക്കാലത്തിന് വിരാമമിട്ട് ഇന്ന് സ്കൂളുകളിലേക്ക് കുട്ടികളെത്തും. കുഞ്ഞുങ്ങളെ വരവേല്ക്കാന് വിദ്യാലയങ്ങള് ഒരുങ്ങിക്കഴിഞ്ഞു. സംസ്ഥാനതല പ്രവേശനോത്സവം ഇന്ന് രാവിലെ 9.30ന് പട്ടം ഗവ. മോഡല് ഗേള്സ് എച്ച്എസ്എസില് മുഖ്യമന്ത്രി വി. ഡി. സതീശന് ഉദ്ഘാടനം ചെയ്യും. വിദ്യാഭ്യാസ മന്ത്രി എന്. ഷംസുദ്ദീന് അധ്യക്ഷനാകും. മന്ത്രിമാരായ കെ. മുരളീധരന്, സി.പി. ജോണ്, ജനപ്രതിനിധികള്, കലാസാംസ്കാരിക വിദ്യാഭ്യാസ പ്രവര്ത്തകര് തുടങ്ങിയവര് പങ്കെടുക്കും.
ഓരോ വിഷയത്തിനും മിനിമം മാര്ക്ക് ഏര്പ്പെടുത്തികൊണ്ടാണ് പുതിയ അധ്യയന വര്ഷം തുടങ്ങുന്നത്. എല്ലാവരെയും വിജയിപ്പിക്കുക എന്ന രീതിക്ക് വിരാമം ഇടുന്ന സ്കൂള് വര്ഷം കൂടിയാണ്.
പുതിയ അധ്യയന വര്ഷത്തിന് തുടക്കം കുറിച്ച് ലക്ഷക്കണക്കിന് വിദ്യാര്ത്ഥികളാണ് പുസ്തകങ്ങളും ബാഗുകളും കുടകളും ഒപ്പം സ്വപ്നങ്ങളുമായി വിദ്യാലയ മുറ്റങ്ങളിലേക്ക് എത്തുന്നത്. പ്രവേശനോത്സവങ്ങളുടെ ആഘോഷ നിറവില് അദ്ധ്യാപകരും രക്ഷിതാക്കളും കുട്ടികളെ വരവേല്ക്കാന് ഒരുങ്ങിക്കഴിഞ്ഞു.
ഒന്നാം ക്ലാസിലേക്കും മറ്റ് പ്രാരംഭ ക്ലാസുകളിലേക്കും പ്രവേശനം നേടിയ കുഞ്ഞുങ്ങള്ക്ക് ആദ്യ സ്കൂള് ദിനം ജീവിതത്തിലെ മറക്കാനാകാത്ത അനുഭവമാകും. വര്ണാഭമായ അലങ്കാരങ്ങളും സ്വീകരണ പരിപാടികളും മധുര വിതരണവും കലാപരിപാടികളുമായി സംസ്ഥാനത്തെ മിക്ക വിദ്യാലയങ്ങളും പ്രവേശനോത്സവം സംഘടിപ്പിക്കുന്നുണ്ട്. കുട്ടികളില് പഠനത്തോടുള്ള താത്പര്യം വര്ദ്ധിപ്പിക്കുന്നതിനും വിദ്യാലയാന്തരീക്ഷവുമായി വേഗത്തില് ഇണങ്ങിച്ചേരുന്നതിനും പ്രത്യേക പരിപാടികള് ഒരുക്കിയിട്ടുണ്ട്.
സ്കൂള് തുറക്കുന്നതിന് മുന്നോടിയായി കെട്ടിടങ്ങളുടെ സുരക്ഷ, ശുചിത്വം, കുടിവെള്ള ലഭ്യത, വൈദ്യുതി, ശൗചാലയ സൗകര്യങ്ങള് തുടങ്ങിയവ ഉറപ്പാക്കാന് പൊതുവിദ്യാഭ്യാസ
വകുപ്പ് നിര്ദേശം നല്കിയിരുന്നു. മഴക്കാലം ആരംഭിച്ച സാഹചര്യത്തില് സ്കൂള് പരിസരങ്ങളിലെ അപകടകരമായ മരക്കൊമ്പുകള് നീക്കം ചെയ്യുന്നതിനും വെള്ളക്കെട്ട് ഒഴിവാക്കുന്നതിനുമുള്ള നടപടികളും സ്വീകരിച്ചിട്ടുണ്ട്.
സംസ്ഥാനത്ത് കാലവര്ഷം ശക്തമാകുന്ന സാഹചര്യത്തില് വിദ്യാര്ത്ഥികളുടെ സുരക്ഷയ്ക്കാണ് പ്രധാന പരിഗണന. മഴക്കാല രോഗങ്ങള്ക്കെതിരെ ജാഗ്രത പാലിക്കണമെന്നും ശുചിത്വകാര്യങ്ങളില് പ്രത്യേക ശ്രദ്ധ നല്കണമെന്നും ആരോ
ഗ്യ വകുപ്പ് നിര്ദേശിച്ചിട്ടുണ്ട്. കുടിവെള്ളം തിളപ്പിച്ച് ഉപയോഗിക്കുക, വ്യക്തിശുചിത്വം പാലിക്കുക തുടങ്ങിയ കാര്യങ്ങളില് കുട്ടികള്ക്ക് ബോധവത്കരണം നല്കും.
സ്കൂള് തുറക്കുന്നതോടെ റോഡുകളിലും പൊതുഗതാഗത സംവിധാനങ്ങളിലും തിരക്ക് വര്ദ്ധിക്കും. വിദ്യാലയ വാഹനങ്ങളുടെ സുരക്ഷ ഉറപ്പാക്കാനും ഡ്രൈവര്മാരും ജീവനാരും
ഗതാഗത നിയമങ്ങള് കര്ശനമായി പാലിക്കാനും ബന്ധപ്പെട്ട വകുപ്പുകള് നിര്ദേശം നല്കിയിട്ടുണ്ട്. സ്കൂള് പരിസരങ്ങളില് വാഹനങ്ങളുടെ അമിതവേഗം നിയന്ത്രിക്കാനും പ്രത്യേക നിരീക്ഷണം ഏര്പ്പെടുത്തും.
പുതിയ പാഠപുസ്തകങ്ങളും യൂണിഫോമുകളും വിതരണം ചെയ്യുന്നതിനുള്ള നടപടികള് മിക്കയിടങ്ങളിലും പൂര്ത്തിയായിട്ടുണ്ട്. അക്കാദമിക മികവിനൊപ്പം കലാ-കായിക, ശാസ്്ര
ത, സാങ്കേതിക മേഖലകളിലും വിദ്യാര്ത്ഥികള്ക്ക് കൂടുതല് അവസരങ്ങള് ഒരുക്കുന്നതിനുള്ള പദ്ധതികളുമായാണ് പുതിയ അധ്യയനവര്ഷത്തിന് തുടക്കമാകുന്നത്.
വേനലവധിയുടെ ആഹ്ലാദ ദിനങ്ങള് പിന്നിട്ട് കൂട്ടുകാരെയും അദ്ധ്യാപകരെയും വീണ്ടും കാണാനുള്ള ആവേശത്തിലാണ് വിദ്യാര്ത്ഥികള്. വിദ്യാഭ്യാസരംഗത്ത് പുതിയ പ്രതീക്ഷകളും പുതിയ ലക്ഷ്യങ്ങളുമായി മറ്റൊരു അധ്യയന വര്ഷത്തിന് ഇന്ന് തുടക്കമാകും. സംസ്ഥാനത്തെ വിദ്യാലയ മുറ്റങ്ങള് വീണ്ടും കുട്ടികളുടെ കളിചിരികളാല് സജീവമാകുന്ന ദിനത്തിനായുള്ള കാത്തിരിപ്പിലാണ് സമൂഹം.