ആലപ്പുഴ: ആലപ്പുഴ ജില്ലയിലെ കുട്ടനാട് താലൂക്കിലെ വിദ്യാഭ്യാസസ്ഥാപനങ്ങള്ക്ക് തിങ്കളാഴ്ച അവധി.കഴിഞ്ഞ ദിവസങ്ങളില് ഉണ്ടായ അതിശക്തമായ മഴയില് കുട്ടനാട് താലൂക്കിലെ വിവിധ ഭാഗങ്ങളില് വെള്ളക്കെട്ട് രൂപപ്പെട്ടിട്ടുള്ളതിനാലാണ് അവധി പ്രഖ്യാപിച്ചത്.
പ്രഫഷണല് കോളേജുകള്ക്കും അങ്കണവാടികള്ക്കും ട്യൂഷന് സെന്ററുകള്ക്കും അവധി ബാധകം. ആലപ്പുഴ ജില്ലയിലെ ദുരിതാശ്വാസ ക്യാമ്പുകള് പ്രവര്ത്തിക്കുന്ന എല്ലാ വിദ്യാഭ്യാസ സ്ഥാപനങ്ങള്ക്കും കളക്ടര് തിങ്കളാഴ്ച അവധി നല്കിയിട്ടുണ്ട്. മുന് നിശ്ചയിച്ച പരീക്ഷകള്ക്ക് മാറ്റമില്ല.
കുട്ടനാട്ടില്നിന്നും വെള്ളം ഇറങ്ങി തുടങ്ങിയിട്ടുണ്ടെങ്കിലും വീടുകളില് മിക്കയിടങ്ങളിലും വെള്ളക്കെട്ട് തുടരുന്നുണ്ട്. താഴ്ന്ന പ്രദേശങ്ങളില് വെള്ളക്കെട്ട് തുടരുന്ന സാഹചര്യത്തില് വീട് വിട്ടുവന്ന ആളുകള് ഇപ്പോഴും ദുരിതാശ്വാസ ക്യാമ്പുകളില് തുടരുകയാണ്. കഴിഞ്ഞ ദിവസങ്ങളില് വെള്ളം കയറിയ എസി റോഡില് ഗതാഗതം പുനഃസ്ഥാപിച്ചിട്ടുണ്ട്.
ഇന്ന് സംസ്ഥാനത്ത് ഏഴ് ജില്ലകളിലാണ് കേന്ദ്ര കാലാവസ്ഥ വകുപ്പ് യെലോ അലര്ട്ട് പ്രഖ്യാപിച്ചത്. പത്തനംതിട്ട, കോട്ടയം, ഇടുക്കി, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് യെലോ അലര്ട്ട് നിലനില്ക്കുന്നത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്.